YUNIRÜBO RHIMO 13:46 - AMÜSÜH HÜM CL Bible (BSI)

⁴⁶ Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 13:46 Iomraidhean Croise

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

EZEKIEL 2:5

Tüsho arünü anini she yungsho manini she–tümüde arü ju azhihkhi yamkhün ah–arü bolung wukihrü lakheah de arünü amükheahbah.

MATHI 10:6

Tüshe ju müthri Israel yamkhün dükheaka lakhi namfimihnubo kilim yüang.

MATHI 21:41

Arünü alo, “Apinü jurü amütsürü thsümüchide asheshihbah, tüsho yimlu kim ching api hi shihcham jihshihpü thsüde kurungasolu ju thulu-mücherü püpürü kilim jihbah.”

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

JOHAN 4:22

Nüsanü tümü mümükheahnü ju kingaünchoh; isanü tümü mükheahlanü ju kingaünchoh, tümüde akhümkhit ju Jihudarü kilimnü lah.

YUNIRÜBO RHIMO 13:14

tüshe arünü Perga chingnü tsahmusubah Pisidia ching lakhi Antiok ching arü. Tüsho arünü Amuni sinagog ching yüzahbah bin.

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 13:5

Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah.

YUNIRÜBO RHIMO 19:9

tüshe küyimki khürünü mulong müküpde tüsho mükinde amukhungrü miki amütsü limro asukkhea, apinü jingyanrü bea lubah akhin tüsho nimung aban Tyranna khiunglün-yam ching atsangachih.

YUNIRÜBO RHIMO 22:21

Tüsho apinü I ki tha, ‘Chamachihang; tümüde inü nü hurü khiungkerü kilim yüshihbah.’ ”

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

YUNIRÜBO RHIMO 9:20

Tüsho zukleangnü apinü sinagogbo ching Jisu dünkheak zhiyukde tha, “Api ju Thrünpuh tsührü ah.”

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 2:10

tüshe atsü rhimorü aban, akhuhde Jihudarü tüsho Greekrü thsungkheak müretah, wüntre tüsho mungtsü labah.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

FILIPI 1:14

tüsho I rihyam ching lakhinü keoniorü ahihdo Atungpuh kheak mulongramde kamshih, tüsho Atungpuh yu mulong tode mütrede thachoh.

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.