YUNIRÜBO RHIMO 13:38 - AMÜSÜH HÜM CL Bible (BSI)

³⁸ Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang,

YUNIRÜBO RHIMO 13:38 Iomraidhean Croise

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

MUNGSHIKHÜN 130:7

O Israel, Atungpuh kheak mulonglamang; tümüde Atungpuh lung mihmüthsüm lah. Tüsho api lung arhokhitkhi muzhomopungde lah.

MUNGSHIKHÜN 32:1

Shepü alakmihkhi neak bahjihcho, shepü neak lüpdojihchonü müngühmühi.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

EZEKIEL 36:32

Ha nü thsülimnü inü arhimopü thsüchoh yung, Atungpuh Thrünpuhnü thachoh; ju nünü mükheahang. Nü limrobo thsungkheak achihang tüsho lümchihyuk ngüang, O Israel yamkhün.

DANIEL 3:18

Tüshe Apinü jude müthsüthsü she nünü ha mükheahang, O kiulongthsüpuh, junangde isanü nü thrünpuhbo mütankih yungsho nünü thsüa zhipshihkhi suna mejak mükingaün.”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 2:14

Tüshe Peternü thürükheak khülang lung zhipbah düsheak achangnü arü ki tha, “Juda mihtsürübo tüsho Jirusalem ching larü alala, nüsanü ha mükheahang, tüsho I yubo aniang.

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

KOLOSI 1:14

api hode isa rhokhitkhi, neak bahjihkhi lah.

IBRI 8:6

Tüshe api tangzüng yo limburü thsükhi awünbe kheaknü atobe lakhi nangde Jisunü aleangkhikhi tankihpü ju arü yo kheaknü atobe ah, tüsho ju alokhikhibo atsübe kheak ningkihlah.

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.

1 JOHAN 2:12

I tsührübo, inü nüsa kilim thrütchoh, tümütüsho api thsülimnü nüsa neakbo bahjihdo.