YUNIRÜBO RHIMO 13:25 - AMÜSÜH HÜM CL Bible (BSI)

²⁵ Johannü api rhimo banpü lachoki tha, ‘Nüsanü I she ah de lümcho? I api yung. Tüshe kheahang, api jingkhümpü zhi inü atrünjihpü müthülünkhi khülang I dunglim arüchoh.’

YUNIRÜBO RHIMO 13:25 Iomraidhean Croise

MATHI 3:11

Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

MARK 1:7

Tüsho apinü thsangyuthsangrade tha, “I kheaknü atobe khülang, inü mükhümbah ajingkhümpü zhi trünjihpü müthülünkhi, I dunglim arüchoh.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 1:34

Tüsho ha Thrünpuh tsührü ah de inü ngü tüsho thiyumütsan thsü.”

JOHAN 1:36

Tüsho api tsahde alachoki Jisu kheak kheahde tha, “Thrünpuh namfimihnunu kheahang!”

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUNIRÜBO RHIMO 19:4

Tüsho Paulnü tha, “Johannü api dunglim arükhi Jisu kheak kinpü mihtsürübo ki thade, mulong müthride baptijihkhi lakheah.”

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

AMIKHEAKAKHIUKKHI 11:7

Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah,