YUNIRÜBO RHIMO 13:22 - AMÜSÜH HÜM CL Bible (BSI)

²² Küyimki apinü anihbuh yihkhita bahkhea, arü thsungkheak apinü kiulongthsürü thsüpü David asürüshih; Thrünpuhnü api dünkheak tha, ‘Inü alümkhi alala rhimopü, inü amulongkhi mihtsürü khülang, Jesse tsührü David inü yimkhitdo.’

YUNIRÜBO RHIMO 13:22 Iomraidhean Croise

2 SAMUEL 2:4

Judüki Juda mihtsürübo arü tüsho arünü Juda kurungkheak kiulongthsürü thsüshihpü David mujude-mokhit. Tüsho arünü David ki tha, “Jabesh-gilead mihtsürünü Saul kiuyuka bahkheah.”

2 SAMUEL 7:15

Tüshe nü mikinü luakhinkhi Saul kheaknü chamachihkhi nangde I amuzho api kheaknü müchamachih.

2 SAMUEL 7:8

Kheakü jumonü nünü ha I yamlarü David ki thaang: Wuto Atungpuhnü ha thachoh: Inü nü mükeak ching namfimihnu dunglim yande alakhi chingnü I mihtsürü Israel kurungkheak yakzan shuhshihpü lukheah;

1 KIULONG THSÜRÜ 15:3

Anihbuh abuhnü api müngüh rhimokhi nangde apinü neak alala yihbeak; abuh David mulong nangde, api mulong ju Atungpuh api Thrünpuh kilim thiyuro mülakheah.

1 KIULONG THSÜRÜ 15:5

tümütüsho tümü Atungpuh miki alungkianü Davidnü rhimo, tüsho Hitbuh Uria dünkheak hode, apinü anihbuh kilim thiyukhüm jihkhi tümü ching lang she api rhangdung amuyung rholode mutso.

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

1 KIUTHSÜYUKHEAN 2:12

Boaz tsührü Obed, Obed tsührü Jesse.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

JEREMIA 33:21

jushu lang I yamlarü David kheak tangzüngkhi thsümünimkhukbah, junangde api kiulongthsü-binkiu kheak kiulongthsüpü tsührü tüsho I tankihrü Levirü ki I tangzüng mülade alabah.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

YUNIRÜBO RHIMO 7:46

Apinü Thrünpuh amuzho ngü tüsho Jakob Thrünpuh lapung yimkhitpü keo.

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”

1 SAMUEL 15:28

Tüsho Samuelnü api ki tha, “ Ha nimungnü Atungpuhnü Israel kiulongthsü nü kheaknü rukrüpdo, tüsho ju nü kheaknü atsübe, nü yamhingrü kilim jihabahdo.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 28:16

Samuelnü tha, “Dale tümü thsükhi nünü I ki keokhicho, tümüde Atungpuh nü kheaknü tsoabahdo tüsho nü riri kamdo?

1 SAMUEL 31:6

Jumonü Saul tüsho atsührü mahsam le api thsühnuk hanbuh tüsho amihtsürübo alala nimung rukhüh ching sheabah.