YUNIRÜBO RHIMO 13:19 - AMÜSÜH HÜM CL Bible (BSI)

¹⁹ Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih.

YUNIRÜBO RHIMO 13:19 Iomraidhean Croise

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

1 KIULONG THSÜRÜ 6:1

Israelrü Ijip chingnü akhiuk dunglim kam chi phüyikheak zheahrü, Solomon kiulongthsükhi kam phüyipü, khinu mahnepü Khirhim khinu ching apinü Atungpuh yam thsüpü tankih.

NEHEMIA 9:24

Jumonü mihtsürübonü yübah Kanan lo müküh-a lu; nünü arü miki ju lo ching larü Kananrü, kiulongthsürü tüsho mihtsürübo junoshih, junangde arünü akünkhi arü kheak rhimo.

MUNGSHIKHÜN 135:11

Amorrü kiulongthsüpuh Sihon, Bashan kiulongthsüpuh Og, tüsho Kanan kiulongthsübo alala–

MUNGSHIKHÜN 78:55

Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

ISAIA 34:17

Apinü arü thsungkheak azan thsü, api khahnü arü kilim akhude chama jih; arünü ju lünnü amükühbah, lün chingnü lün ju ching arü labah.

YUNIRÜBO RHIMO 7:45

Isa jipürünü arüngkhimyam leangkhia lubah Thrünpuhnü arü müngüh yankhita bahkhi trükshih lomi luchoki Jihusua lungnü hanbah yü. Tüsho ju ching David kim khiungde la.

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 14:1

Harü ha amükeambuh Eleazar, Nun tsührü Jihusua tüsho Israel trük gukbo chingnü akuthsürübonü mihtsürübo kilim chama jih Kananrü lo ching Israelrünü yamrüplurüp lukhi ah.

JIHUSUA 18:10

Arübo thsungkheak Jihusuanü azan thsüde Atungpuh ki keokhi tüsho Israel trükbo kilim alo chama jih.

JIHUSUA 19:51

Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.

JIHUSUA 23:4

Kheakü aninga lakhi lobo tüsho inü ayankhikhi lobo nüsa trükbo kilim yamrüplurüp jihdo, ju Jordan yung chingnü aniyüzahlim Mediterranean Keto khiunglah.

JIHUSUA 24:11

Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.

MAHKHAPRÜ 11:26

Israel kam chi mahsam Heshbon tüsho ju kiulongbo, Aroer tüsho ju kiulongbo, tüsho Arnon yean kiutobo alala ching lachoki nünü tümü thsükhi jurü mululokhea?