YUNIRÜBO RHIMO 13:16 - AMÜSÜH HÜM CL Bible (BSI)

¹⁶ Jumonü Paulnü zhip, tüsho akhah hihde tha: “Israel mihtsürü tüsho nüsa Thrünpuh trerübo, aniang.

YUNIRÜBO RHIMO 13:16 Iomraidhean Croise

1 KIULONG THSÜRÜ 8:40

junangde nünü isa jipürü kilim jihkhi lo ching arü lakhi amuyung arünü nü trebah.

MUNGSHIKHÜN 135:20

Atungpuh shiang, O Levi yamkhün! Nüsa Atungpuh trerübo, Atungpuh shiang!

MUNGSHIKHÜN 67:7

Thrünpuhnü isa müngühjihbah, tüsho alomi akheambo alalanü api trebah.

MUNGSHIKHÜN 85:9

Tsükjide api trerü ki api akhümkhit thüninde lah, junangde müretahkhi isa lomi ching labah.

MATHI 11:15

Shepü nükhün kihlanü aniang!

LUKNÜ ATHRÜTKHI THIYUSHEAK-ATSÜ HUHTANYU 1:22

Tüshe küyimki api akhiukkhea, apinü arü ki masukkhuk; tüshe apinü arüngyam ching michih khülang ngüa lah de mükheah, tümüde apinü arü ki akhah hita huh tüsho thiyu müthakhukde alakheah.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

LUKNÜ ATHRÜTKHI THIYUSHEAK-ATSÜ HUHTANYU 23:40

Tüshe püpü junü api thürühde alode tha, “Nü rukhüh ashepü ching lah de ngübah, nünü Thrünpuh mütre de?

YUNIRÜBO RHIMO 10:2

Api ju shuhmülanga jihrü, api yamkhün alalanü Thrünpuh trede, zhochihrübo kilim arung jihde, tüsho mutukzhakde Thrünpuh ki tamkhüntamnüde alakheah.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 19:33

Boto ching khürünü Alexander kheak kihlah de tha, tümüde Jihudarübonü api mikhuh ching arüshih. Tüsho Alexandernü mihtsürübo zhipdode malanshihpü api khah niuk.

YUNIRÜBO RHIMO 2:14

Tüshe Peternü thürükheak khülang lung zhipbah düsheak achangnü arü ki tha, “Juda mihtsürübo tüsho Jirusalem ching larü alala, nüsanü ha mükheahang, tüsho I yubo aniang.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 21:40

Küyimki apinü anihbuh ki mülüjihkhea, Paulnü adamkhi kheak zhipbah mihtsürübo ki akhah hit. Tüsho küyimki jikshe müthsükheanü, apinü arü ki Ibri yutha chingnü tha:

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”

YUNIRÜBO RHIMO 3:12

Küyimki Peternü ju ngükhea, apinü mihtsürübo ki tha, “Israel mihtsürübo, tümü thsükhi nüsanü ha kheak müyinsahcho, yungsho isa wu yungsho isa tsakamkhinü api tsahshihkhi nangde isa kheak kheahcho?

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’