YUNIRÜBO RHIMO 13:11 - AMÜSÜH HÜM CL Bible (BSI)

¹¹ Kheahang, Atungpuh khah nü kheak lah, tüsho anükhühkheak nü mük tuka ani müngüde alabah.” Zukleangnü shumuliu tüsho amiting api kheak yükih tüsho api khah kheaknü athoshihpü mihtsürübo yimde yü.

YUNIRÜBO RHIMO 13:11 Iomraidhean Croise

THRÜNTAN 19:11

Tüsho arünü thüyam ripit limro kheak larü anini tüsho ato chido mük tukshihpünü shik, junangde arünü khimdopü müyimkhit.

2 KIULONG THSÜRÜ 6:8

Khülang ki küyimki Siria kiulongthsüpuhnü Israel kheak thirithsüde alakhea, apinü anihbuh torübo kheak lümrük lu. Apinü tha, “Hadürü dangpung khülang ching I binkheampung thsübah.”

JOB HU H T ANYU 19:21

I ki muzhoang, I ki muzhoang, O nüsa I müyamrübo, tümüde Thrünpuh khahnü I qiudo!

MUNGSHIKHÜN 32:4

Tümüde animung tüsho are nü khah I kheak mülangde alakheah; muzhu ching lamlamkhinü nangde I sühmüh kungabah.

MUNGSHIKHÜN 38:2

Tümüde nü hühzobonü I sükde chinkhitdo, tüsho nü khahnü I nimmülündo.

ABEKHIT 9:3

kheahang, Atungpuh khahnü thulu ching nü moshibo, khorabo, donkibo, kemelbo, moshipungbo, tüsho namfimihnubo kheak atrebe arüm hande arübah.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

JOHAN 9:39

Tüsho Jisunü tha, “Mahkhappü thsungkheak ha lomi ching I arükheah, junangde shepünü müngünü angübah, tüsho shepünü ngülanü mük tukbah.”

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

IBRI 10:31

Arhang Thrünpuh khah ching yüzahpü ju atrebe lah.

2 PETER 2:17

Harü mihtsürübo ju ke müzahkhi kekhip tüsho chinthrümnü yünde ayükhi amo ah. Arü thsungkheaknü amiting amürak zojihlah.

1 SAMUEL 5:11

Jumonü arünü thiyiloa yüshihbah Filistia kiulongthsürübo mukhungshih, tüsho tha, “Israel Thrünpuh sangdan dükhea tsoshang, tüsho ju azopung ching zoloshang, junangde isa le isa mihtsürü mülaksah.” Tümüde judüki kiuto ching zukleangnü ashekhi lakheah. Ju ching Thrünpuh khah mülangde alakheah;

1 SAMUEL 5:9

Tüshe arünü ju Gath lim hanbah arüshu Atungpuh khah kiuto kheak azhihde zukleangnü treshih; apinü kiuto ching larü azürü tüsho azorü alala kheak mü akhiukshih.