YUNIRÜBO RHIMO 12:4 - AMÜSÜH HÜM CL Bible (BSI)

⁴ Küyimki apinü anihbuh ramkheanü rihyam ching yuk, tüsho phungho-thünio dunglim mihtsürübo kilim bekhitpü thsüde api ju mihtsürü phüyiyi lakhi bonungrü khunung phüyi kilim aheangshihpü jih.

YUNIRÜBO RHIMO 12:4 Iomraidhean Croise

ESTER 3:13

Yunithsürünü thiyusheak alala ching hanbah yü. Athrütkhi ching ju, ha Adar khinu thürükheak mahsam nipü, Jihudarü alala–athunu tüsho azorü, aliberü tüsho azürü alala laksahkhambah de zahbah alakheah. Arübo ju amuzho mülade alaksahbah tüsho kukrukbo she alujihbah de thrütyuk.

ABEKHIT 12:1

Kheakü Atungpuhnü Ijip lomi ching Mosa tüsho Aron ki tha,

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

MÜCHITMUDU 27:1

Shido thsungkheak dükükheang, tümütüsho tümü nimung arübanü nünü mümükheah.

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

MATHI 26:5

Tüshe arünü tha, “Thünio kim ching a düh, jude yungsho mihtsürü bolung arhunganimbah.”

MARK 14:1

Nimung mahne dunglim phungho-thünio tüsho phaüm muyukkhi yikhap thünio lakheah. Tüsho amükeam putungrübo le yakzan thsangyurübonü rük thsüde api rambah asheshihpü yim.

LUKNÜ ATHRÜTKHI THIYUSHEAK-ATSÜ HUHTANYU 21:12

Tüshe harü alala müngüh, arünü nüsa kheak arü khah chungde thsümüchibah, arünü nüsabo sinagogbo tüsho rihyambo ching rama jihbah, tüsho nüsa ju I mung dünkheaknü kiulongthsürübo le kovünorbo miki bede arübah.

LUKNÜ ATHRÜTKHI THIYUSHEAK-ATSÜ HUHTANYU 22:33

Tüshe anihbuhnü api ki tha, “Atungpuh, rihyam tüsho ashepü ching I nü lung yüpü thsakhambah lah.”

JOHAN 19:23

Küyimki bonungrübonü Jisu yümkihkheanü api khimmihbo le shulün-pangkhümpübo arü abande khülang khülang lubah shihcham phüyi thsü. Shulün-pangkhümpü ju athüredung mülade akulimnü abolim khiungde bümkhüh lang keaka lakheah.

JOHAN 21:18

Atsütsü inü nü ki thachoh, küyimki nü athunu lakhea, nü küdah thsüde khimmih yihbah nünü amulongkhi lim tsah; tüshe küyimki nü ashinbanü, nünü nü khahbo chungbah, tüsho püpürünü nü khimmih yihjihbah tüsho nünü mümulongkhi lim bede ayübah.”

YUNIRÜBO RHIMO 12:3

tüsho junü Jihudarü asühshihkhi apinü ngübah Peter she arampü tankih. Ha phaüm muyukkhi thünio kim ching lakheah.

YUNIRÜBO RHIMO 12:5

Junangde Peter ju rihyam ching zo; tüshe borünü api thsungkheak Thrünpuh ki tamkhüntamnüjih.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

YUNIRÜBO RHIMO 4:3

Tüsho ane rambah zhinga lamonü ashido khiungde rihyam ching zo.

YUNIRÜBO RHIMO 5:18

arünü amüsüh-thsangyurübo rambah boto rihyam ching zo.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.