YUNIRÜBO RHIMO 12:23 - AMÜSÜH HÜM CL Bible (BSI)

²³ Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUNIRÜBO RHIMO 12:23 Iomraidhean Croise

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

JOB HU H T ANYU 19:26

tüsho I küp ha thsümünimshu, I shih hanü inü Thrünpuh ngübah,

JOB HU H T ANYU 7:5

I phü ju aribo tüsho dükhühnü lüpchimlah; I küp züngrüpchoh, tüsho anüke akhiukchoh.

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

ABEKHIT 12:29

Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 9:17

Kheakü khiungde nünü I mihtsürübo azhihchoh tüsho arü müyüshih.

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

ISAIA 14:11

Nü yo akinashu tüsho nü bingshang düsheakbo Ashe-lomi ching hande yüzahdo; musobo ju abukkhüp nü yapkiu ah, tüsho aribo ju nü muhiudobe ah.’

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 51:8

Tümüde khim khülang ruk arinü arü tsühabahbah, tüsho shihnamkhim nangde arinü arü tsühbah; tüshe inü abekhitpü lünnü alabah, tüsho I akhümkhit lünnü lün labah.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:9

Judü lang, “ I a thrünpuh khülang ah,” de nü laksahrü miki thaba de? Nü a le nü yurirübo khah ching mihtsürü ah tüsho thrünpuh yung.

YUNIRÜBO RHIMO 12:22

Tüsho mihtsürübonü zhi, “Mihtsürü yung tüshe thrünpuh düsheak ah!”

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

1 SAMUEL 25:38

Nimung thürü ngüm dunglim Atungpuhnü Nabal kheak lak tüsho api sheabah.