YUNIRÜBO RHIMO 12:11 - AMÜSÜH HÜM CL Bible (BSI)

¹¹ Peter ju müsüde arü tüsho tha, “Atungpuhnü api yunirü thiyibah Herod le Jihudarünü mükkin thsükhi alala chingnü I bekhitdo de kheakü inü mütsando.”

YUNIRÜBO RHIMO 12:11 Iomraidhean Croise

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 18:13

Tüsho Atungpuhnü Abraham ki tha, “Tümü thsükhi Saranü münede athakhea, ‘Tümütüsho I shina lale, I tsükjide khungarü laba de?’

THRÜNTAN 26:9

Jumonü Abimeleknü Isak ji tüsho tha, “Dükde anihbe nü niube ah! Tümüde nünü ‘I niurü ah’ de athakhea?” Isaknü api ki alo, “Tümütüsho anihbe dünkheaknü I rhangdung dükheakpü labah de inü lüm.”

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

JOB HU H T ANYU 31:31

I khimyam ching larünü mütha shi, “Nihbuh shih kheak reangmükeamrü she la le?”

JOB HU H T ANYU 5:19

Apinü thsümütsü thuruk chingnü nü bekhitbah; thsümütsü thüne ching tümünü nü muqiu.

MUNGSHIKHÜN 109:31

Tümüde api zhochihrü khah tsülim, api bahyukrü kheaknü akhümkhitpü zhiplah.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 33:19

junangde apinü arü me ashekhi chingnü bekhitbah, tüsho khümzung kim ching arü rhangdung lashihbah.

MUNGSHIKHÜN 34:22

Atungpuhnü api yamlarübo rhangdung rhokhitchoh; api kheak tsoyukrü sheshe mübahyuk.

MUNGSHIKHÜN 34:7

Atungpuh wüntrerü api yunirünü aheangchoh tüsho arü bekhitchoh.

MUNGSHIKHÜN 41:2

Atungpuhnü api kümbah tüsho rhangdung lashihbah, tüsho api alomi kheak müngühmühi labah; apinü anihbuh ariribo lümkhi ching muyukjih.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

DANIEL 3:25

Apinü tha, “ Kheahang! Mihtsürü phüyi mürhükde tüsho tümü müthsüde mo ching mühide atsahkhi inü ngüchoh, tüsho aphüyipü ju Thrünpuh tsührü nangde lah.”

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 15:17

Tüshe küyimki apinü aküdah thsüde alümkhitkhea, apinü tha, ‘I buh ki mulomüthsürübo arü tsühpü kheaknü alü lah, tüshe I a akhümnü shechoh!

YUNIRÜBO RHIMO 12:7

tüsho kheahang, Atungpuh yunirü khülang akhiuk, tüsho akhiungshak ching ayin tahyuk; tüsho apinü Peter ju adubuh kheaknü niukmusude tha, “Nahde asürang.” Tüsho wuhrünliubo akhahbo chingnü ayoabah.

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 25:9

Tüshe Festanü Jihudarü asühshihpü mulungde Paul ki tha, “Nünü Jirusalem lim wutubah harü dünkheak I miki mahkhapshihpü mulongla shi?”

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,