YUNIRÜBO RHIMO 11:16 - AMÜSÜH HÜM CL Bible (BSI)

¹⁶ Tüsho Atungpuhnü athakhi yu inü lümkhit, ‘Johannü nüsa kenü baptijih, tüshe Amüsüh Menü nüsa baptibah.’

YUNIRÜBO RHIMO 11:16 Iomraidhean Croise

MÜCHITMUDU 1:23

Inü athürühkhi lim rholoang; tsükjide inü I me nü kheak dungkihbah; inü I yubo nü ki mükheahshihbah.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

MATHI 3:11

Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

MATHI 3:6

tüsho arü neakbo alokhide apinü Jordan ching arübo baptijih.

MARK 1:8

Inü nüsa kenü baptijih, tüshe apinü nüsa Me Amüsühnü baptijihbah.”

LUKNÜ ATHRÜTKHI THIYUSHEAK-ATSÜ HUHTANYU 24:8

Tüsho arünü api yubo lümkhit.

LUKNÜ ATHRÜTKHI THIYUSHEAK-ATSÜ HUHTANYU 3:16

Johannü arü alala ki alo, “Inü nüsa kenü baptijihchoh; tüshe I kheaknü atobe, ajingkhümpü zhi she inü atrünjihpü müthülünkhi arümuroh; apinü Amüsüh Me tüsho monü nüsa baptijihbah.

JOHAN 1:26

Johannü arü ki alo, “Inü nüsa kenü baptichoh, nüsanü mümükheahkhi khülang nüsa bolung zhiplah.

JOHAN 1:33

Inü api mümükheah, tüshe shepünü kenü baptipü I thiyikheanü I ki tha, ‘Me akibah api kheak lade shepü nünü angükhea, api ju Amüsüh Menü baptijihbuh lah.’

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.

YUNIRÜBO RHIMO 1:5

Johannü kenü bapti, tüshe nimung anükhüh labah Amüsüh Menü nüsa baptibah.”

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

2 PETER 3:1

Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo;