YUNIRÜBO RHIMO 10:41 - AMÜSÜH HÜM CL Bible (BSI)

⁴¹ mihtsürü alala kilim yung tüshe thiyumütsanbo thsüpü Thrünpuhnü amokhitkhi, api ashe chingnü asürüshu api lung tsühyungrü isa kilim ah.

YUNIRÜBO RHIMO 10:41 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 24:30

Küyimki api ju ane lung dükhüm ki binde alakhea, apinü yikhap lubah makshe jih tüsho yihnakbah ane kilim jih.

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

JOHAN 14:17

ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 14:19

Anükhüh labah alominü I müngüde akambah, tüshe nüsanü I ngübah, Tümütüsho I lale, nüsa she alabah.

JOHAN 14:22

Judanü (Iskariot yung) api ki tha, “Atungpuh, nünü küde thsah alomi ki yungde isa ki akhiuka huhba?”

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 21:13

Jisunü arübah yikhap lu tüsho arü kilim jih, tüsho thüngüh she jude thsü.

YUNIRÜBO RHIMO 1:22

Johannü baptikhi chingnü tankihbah isa bolungnü api bede ayükih khiungde, harü bolung khülang api arhang kamlokhi thiyumütsan thsürü kambeah.”

YUNIRÜBO RHIMO 1:4

Tüsho küyimki arü mukhungkhea, apinü arü ki thiyukhüm jih: “Jirusalem bahbah dütso, tüshe inü nüsa ki thakhi I Buhnü alokhikhi thsambah thsungkheak aleangang.

YUNIRÜBO RHIMO 10:39

Tüsho apinü Jihudarü lomi tüsho Jirusalem ching rhimokhi alala isa thiyumütsanbo lah. Arünü sangdung kheak zhinde api sheshih;

YUNIRÜBO RHIMO 13:31

tüsho api lung Galilee chingnü Jirusalem khiungde atsahrü ki nimung ahihdo apinü akhiuka huh. Arübo mihtsürübo ki kheakü api thiyumütsanbo lah.