YUNIRÜBO RHIMO 10:4 - AMÜSÜH HÜM CL Bible (BSI)

⁴ Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

YUNIRÜBO RHIMO 10:4 Iomraidhean Croise

2 KIUTHSÜYUKHEAN 32:24

Ju nimungbo ching Hezekia tukthsüde kam tüsho ashepü thsüde alakheah. Apinü Atungpuh ki tamkhüntamnü, apinü anihbuh ki alo tüsho amütsan khülang jih.

2 KIUTHSÜYUKHEAN 6:33

nünü nü lapung yinmi chingnü sojang, tüsho khiungkerübonü tümüpürü nü ki keokhichonü rhimojang, junangde lomi ching mihtsürü alalanü nü mihtsürü Israelnü arhimokhi nangde nü mung ato mükheahbah tüsho nü trebah, tüsho inü athsükhi ha yam kheak nü mung jia lah de arünü amükheahbah.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

MUNGSHIKHÜN 20:3

Apinü nü kingaünbo alala lümkhitshang, tüsho nünü taka kingaünkhi leangkhishang.

ISAIA 43:26

I ki lümkhitshang, isanü mahkhappung yüanü; nüsa lümkhi jihang, junangde nüsa alim mütsanbah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

DANIEL 10:11

Apinü I ki tha, “Daniel, tode muzhodakkhi, inü nü ki asukpü lakhi ju aniang. Zhipang, tümüde I nü kilim arüshihkheah.” Jumonü apinü ha yu I ki asukde lachoki inü ajande zhip.

LEVI 2:2

tüsho Aron tsührü amükeamrübo kilim lubah arüshang. Amükeambuhnü ayikangkang müyikhüh tüsho müdangke le rhümthüneabe alala lubah thiyuchihchimkhi amütsan Atungpuh kilim jihkhi kingaünpung kheaknü taka kingaünbah. Ha taka kingaünkhi rhümnü Atungpuh asühshihchoh.

MALAKI 3:16

Judüki Atungpuh wüntrerünü khülangnü khülang ki asukachih. Atungpuhnü ju ani tüsho so tüsho Atungpuh wüntrerü tüsho api mung ching lümrü lümkhitpü hüm api miki thrüta lakheah.

MATHI 26:13

Atsütsü inü nüsa ki thachoh, alomiküp kürü ching ha thiyusheak-atsü thsangyuthsangrabanü, ha liberünü tümü rhimokheanü anihbe mümihpü thsüde athabah.”

LUKNÜ ATHRÜTKHI THIYUSHEAK-ATSÜ HUHTANYU 1:29

Tüshe küyimki alibenü api ngükhea, apinü athakhinü küpkhukde kam tüsho ha salüm tümüaki de müyinsah.

LUKNÜ ATHRÜTKHI THIYUSHEAK-ATSÜ HUHTANYU 24:5

Judüki arünü trede arü miro alo lim mükhümchoki, anenü arü ki tha, “Tümüde nüsanü asherü bolung arhang larü yimcho?

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 14:9

Apinü Paul yu thakhi so. Paulnü api ju tsüde kheah tüsho athsüngupü api akin lah de kheahyukbah

YUNIRÜBO RHIMO 22:10

Tüsho inü tha, ‘Inü tümü thsüba, Atungpuh?’ Atungpuhnü I ki tha, ‘Asürübah Damaska ching yüzahang, tüsho nünü arhimopü akhua lakhi alala ju chingnü nü ki thabah.’

YUNIRÜBO RHIMO 3:4

Anenü api kheak kheahkih tüsho Peternü tha, “Ike kilim kheahang.”

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

AMIKHEAKAKHIUKKHI 8:4

tüsho Thrünpuh miki yunirü khah chingnü rhümthünea mokhüh ju amüsührü tamkhüntamnü lungnü yükih.

1 SAMUEL 3:10

Kheakü Atungpuh ju ching arü zhipbah, akhuhlim nangde ji, “Samuel! Samuel!” Tüsho Samuelnü alo, “ Asukang, tümüde nü yamlarünü anichoh.”