YUNIRÜBO RHIMO 10:32 - AMÜSÜH HÜM CL Bible (BSI)

³² Jumonü Joppa ching yüzahang tüsho Peter de ajikhi Simon keoshang; api ju keto yean shihküprhimorü yam ching lah.’

YUNIRÜBO RHIMO 10:32 Iomraidhean Croise

2 KIUTHSÜYUKHEAN 2:16

Lebanon ching nünü tümüpürü yihnüpü lanü isanü akiushakbah, tüsho thsünrubah nü kilim keto chingnü Joppa ching lude arübah; nünü ju Jirusalem ching lude awutubah.”

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 4:9

Judüki Samaria liberünü api ki tha, “Küde thsah nü Jihudarünü I Samaria liberü ki ke yungpü kheangcho?” (Tümüde Jihudarünü Samariarü lung jimpung mütsühachih).

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:33

Jumonü inü nü kilim arüshih, tüsho nünü muzhode arü. Jumonü kheakü isa alala ha ching Atungpuhnü nü ki thiyukhüm jikhi anipü Thrünpuh miki lah.”

YUNIRÜBO RHIMO 10:5

Kheakü mihtsürübo Joppa ching yüshang, tüsho Peter de ajikhi Simon bede arang;

YUNIRÜBO RHIMO 11:14

apinü nü, tüsho nü yamkhün alala khümkhitpü yusheak nü ki thabah.’

YUNIRÜBO RHIMO 11:3

“Tümü thsükhi nünü tsütamübahkhi mihtsürübo kilim yübah arü lung yimtsühkhea?”

YUNIRÜBO RHIMO 15:7

Tüsho khide atsangachih dunglim, Peternü zhipbah arü ki tha, “Keoniorübo, khiungkerü ki thiyusheak atsü thsangyuthsangrade arünü sobah akinpü thsüde Thrünpuhnü adüsonü nüsa bolungnü I mokhitdo de nüsanü mükheahlah.

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

YUNIRÜBO RHIMO 9:43

Tüsho apinü Joppa ching nimung ashang shihküp-rhimorü Simon lung la.

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”