YUNIRÜBO RHIMO 10:28 - AMÜSÜH HÜM CL Bible (BSI)

²⁸ tüsho apinü arü ki tha, “Jihudarünü püpürü trükshih lung arihpü yungsho rhuakheahpü yakzan müla de nüsanü mükheahlah, tüshe inü mihtsürü sheshe amünean yungsho amümüsüh müjipü I ki huh.

YUNIRÜBO RHIMO 10:28 Iomraidhean Croise

ISAIA 65:5

shepünü thacho, “ Nü khanguhang, I thüninde darü, tümüde nü thsungkheak a I khide amüsüh lah.” Harübo I nupung ching mokhüh ah, nimung amuyung takkhi mo lah.

MARK 7:2

Arünü api jingyanrü khürü khah mümütsakde yimtsühkhi ngü.

LUKNÜ ATHRÜTKHI THIYUSHEAK-ATSÜ HUHTANYU 18:11

Pharisibuhnü zhip tüsho tamkhüntamnü, ‘Thrünpuh, I a püpürü mihtsürübo–jangkhijangrarü, thiyuro mülarü, müzammüramrü, yungsho ha ruk-threbuh nangde mülakhi hode nü ki makshe jihchoh.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 4:27

Ju kim ching api jingyanrübo arü, tüsho apinü alibe ki asukachihkhi arünü müyinsah; tüshe, “Nü tümü yimcho, yungsho tümüde nünü alibe ki asukachihcho?” de shenü she mükeo.

JOHAN 4:9

Judüki Samaria liberünü api ki tha, “Küde thsah nü Jihudarünü I Samaria liberü ki ke yungpü kheangcho?” (Tümüde Jihudarünü Samariarü lung jimpung mütsühachih).

YUNIRÜBO RHIMO 10:29

Jumonü küyimki I jipü arüshihkhea, inü marochihde arü. Dale tümü thsüpü I jipü arüshihkhea de inü nü ki keokhichoh.”

YUNIRÜBO RHIMO 11:9

Tüshe yinmi chingnü mahne kipü düsheaknü alo, ‘Thrünpuhnü tümü müsühdünü nünü amünean de müjibeah.’