YUNIRÜBO RHIMO 1:7 - AMÜSÜH HÜM CL Bible (BSI)

⁷ Tüsho apinü arü ki tha, “Abuhnü thiyukhüm-sühmüh ching zokhi nüsa thsungkheak kimbo yungsho akheahmünchi mükheahpü yung.

YUNIRÜBO RHIMO 1:7 Iomraidhean Croise

JOB HU H T ANYU 24:1

Tümüde Wutobuhnü mahkhappü kim muzocho le, tüsho tümüde api mükheahrünü küyimkishe api nimungbo müngü le?

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

MATHI 20:23

Apinü arü ki tha, “Nüsanü I pung chingnü ayungbah, tüshe I khah tsülim yungsho huzulim binpü a inü amülübe yung, tüshe harü ju I Buhnü athsakhamjihrü thsungkheak lah.”

MATHI 24:36

“Tüshe ju nimung tüsho kim ju Abuh kheak hode, yinmi yunirübo yungsho atsührü yungsho shenü she mümükheah.

MARK 10:40

tüshe I khah tsülim tüsho huzulim binpü a inü amülübe yung, tüshe sherü thsungkheak thsakhama lanü jurü thsungkheak ah.”

MARK 13:32

“Tüshe ju nimung tüsho kim Abuh kheak hode, yinmi yunirübo yungsho Atsührü yungsho shenü she mümükheah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,

EFISIA 1:10

junangde yinmi ching tüsho alomi kheak lüpdükhi api kheak arihpü kim-khiukkhi lümkhi thsü.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

2 TIMOTHI 3:1

Akheam nimungbo ching thsümütsü kimbo labah de ha anikhitang.