YUNIRÜBO RHIMO 1:4 - AMÜSÜH HÜM CL Bible (BSI)

⁴ Tüsho küyimki arü mukhungkhea, apinü arü ki thiyukhüm jih: “Jirusalem bahbah dütso, tüshe inü nüsa ki thakhi I Buhnü alokhikhi thsambah thsungkheak aleangang.

YUNIRÜBO RHIMO 1:4 Iomraidhean Croise

WÜHKHE 9:22

Hoju nimung mahne, yungsho khinu khülang, yungsho kam khülang thsüthsü, amo ju arüngyam kumung la khiungde Israelrübonü binkheampung ching la tüsho mütsahmusu; tüshe küyimki akhinabahkheanü arünü tsahmusu.

MATHI 10:20

tümüde ha nüsanü asukchoh yung, tüshe nüsa Abuh menü nüsa hode asukchoh.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

LUKNÜ ATHRÜTKHI THIYUSHEAK-ATSÜ HUHTANYU 12:12

Tümüde nünü tümü thabeanü Amüsüh Menü ju kim ching thsangyubah.”

LUKNÜ ATHRÜTKHI THIYUSHEAK-ATSÜ HUHTANYU 24:49

Kheahang, inü I Buhnü alokhikhi nüsa kheak yüshihchoh; tüshe akulimnü nüsa kheak wu marüyi khiungde nüsanü Jirusalem kiuto ching aleangang.”

JOHAN 14:16

Inü I Buh ki tamkhüntamnübah, tüsho apinü nüsa kilim arungrü püpü jihbah, junangde apinü nüsa lung lünnü alabah–

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 20:22

Küyimki apinü ha thakheanü arü kheak sheak mütkih tüsho tha, “Amüsüh Me leangkhiang.

JOHAN 7:39

Tüshe ha api kheak kinrübonü aleangkhipü me dünkheak apinü athakheah; tümüde Jisu müretah mülayikhinü Amüsüh Me müjihyide alakheah.

YUNIRÜBO RHIMO 10:41

mihtsürü alala kilim yung tüshe thiyumütsanbo thsüpü Thrünpuhnü amokhitkhi, api ashe chingnü asürüshu api lung tsühyungrü isa kilim ah.

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.