YUNIRÜBO RHIMO 1:3 - AMÜSÜH HÜM CL Bible (BSI)

³ Api thsünü dunglim, api rhangdung lakheah de harü ki huh tüsho mütsandakkhi ahihdo jih. Apinü arü ki nimung yirü dükeak akhiuka huh tüsho Thrünpuh kiulongthsü dünkheak asuk.

YUNIRÜBO RHIMO 1:3 Iomraidhean Croise

1 KIULONG THSÜRÜ 19:8

Apinü asürübah tsühyung; jushu apinü ju tsühyungkhi sühmühnü nimung yirü tüsho tsüngre yirü Atungpuh wung Sinai lim yü.

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

MATHI 28:9

Arübo api jingyanrübo ki thapü yüchoki, zukleangnü Jisunü arü shorubah tha, “Nüsa lung mungtsü laang!” Tüsho arünü arübah ajing kheak ramrih tüsho api kingaün.

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 4:2

Nimung yirü tüsho tsüngre yirü mütsühyung dunglim api khümabah.

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

JOHAN 20:26

Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

JOHAN 21:1

Harü dunglim Jisunü Tiberia keto ching jingyanrübo ki hanangde api huh:

JOHAN 21:14

Api ashe chingnü arhang kamlobah Jisunü ajingyanrübo ki huhkhi ha mahsam kipü lakheah.

YUNIRÜBO RHIMO 13:31

tüsho api lung Galilee chingnü Jirusalem khiungde atsahrü ki nimung ahihdo apinü akhiuka huh. Arübo mihtsürübo ki kheakü api thiyumütsanbo lah.

YUNIRÜBO RHIMO 19:8

Apinü sinagog ching yüzah tüsho Thrünpuh kiulongthsü thsungkheak khinu mahsam mulong tode tüsho kukde atsangachih;

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 28:31

Mulong tode tüsho müdukiuhlode apinü Thrünpuh kiulongthsü thsangyuthsangra tüsho Atungpuh Jisu Khrista dünkheak thsangyu.

YUNIRÜBO RHIMO 8:12

Tüshe küyimki Thrünpuh kiulongthsü yusheak atsü tüsho Jisu Khrista mung thsangyuthsangrakhi hode arünü Philip kheak akin lakhea, arü athrürü tüsho aliberübo chido bapti.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

YUZÜNGTHALO 9:18

Akhuhlim nangde, nimung yirü tüsho tsüngre yirü inü Atungpuh miki khukning; tümütüsho nüsanü Atungpuh miki mütsüde neak yihbeakbah api bukakhiukshihkhi hode inü yikhap mütsüh yungsho ke she muyung.

YUZÜNGTHALO 9:9

Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–