YUNIRÜBO RHIMO 1:22 - AMÜSÜH HÜM CL Bible (BSI)

²² Johannü baptikhi chingnü tankihbah isa bolungnü api bede ayükih khiungde, harü bolung khülang api arhang kamlokhi thiyumütsan thsürü kambeah.”

YUNIRÜBO RHIMO 1:22 Iomraidhean Croise

MARK 1:9

Ju kim ching Jisu ju Galilee ching lakhi Nazareth chingnü arü tüsho Jordan ching Johannü baptijih.

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

LUKNÜ ATHRÜTKHI THIYUSHEAK-ATSÜ HUHTANYU 3:21

Kheakü küyimki mihtsürü alala, tüsho Jisu she baptibah tamkhüntamnüde alakhea, thüning khimshuh-a lakheah,

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

YUNIRÜBO RHIMO 1:2

Amüsüh Me hode apinü amokhitkhi amüsühthsangyurübo kilim thiyukhümbo jihkhi dunglim, api bede yükihkhi nimung khiungde alakheah.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 4:33

Tüsho wu atonü amüsüh-thsangyurübonü Atungpuh Jisu Khrista arhang kamlokhi thiyumütsan thsü, tüsho arü alala kheak amüthsüm ato lakheah.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,