YUNIRÜBO RHIMO 1:16 - AMÜSÜH HÜM CL Bible (BSI)

¹⁶ tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

YUNIRÜBO RHIMO 1:16 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

2 KIULONG THSÜRÜ 15:12

Ha Atungpuhnü Jehu kilim alokhikhi lakheah, “Lün phüyipü khiungde nü tsührübonü Israel kiulongthsübinkiu kheak binbah.” Tüsho jude dünji.

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

MATHI 26:14

Judüki thürükheak mahne bolung khülang, Juda Iskariotnü amükeam putungrübo ki yü

MATHI 26:47

Api thade alachoki, thürükheak mahne bolung khülang, Juda, anihbuh lung amükeam putungrübo tüsho mihtsürü yo azothsürübonü athiyikhi nukshangbo le shinuk shuhrü boto ato bebah arü.

MATHI 26:54

Dale tüsho judüpü thsüde amüsühyu küde thsah adünjiba?”

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

MARK 12:36

Tümütüsho Amüsüh Me hode Davidnü tha: ‘Atungpuhnü I Tungpuh ki tha, “Inü nü riribo nü jing jungpung mükamshihyikia I khah tsülim binang.”’

MARK 14:43

Tüsho zukleangnü, api thiyu thade alachoki, thürükheak mahne bolung Judanü boto ato lung nukshangbo le shinukbo shuhbah amükeam putungrü tüsho yakzan thsangyurübo le azothsürübo kilimnü arü.

LUKNÜ ATHRÜTKHI THIYUSHEAK-ATSÜ HUHTANYU 22:47

Api thiyu thade alachoki boto khülang arü; tüsho thürükheak mahne bolung khülang Juda de ajikhi arü müngüh yü tüsho api müthsüppü Jisu thüninde yü.

JOHAN 10:35

Apinü Thrünpuh yu arüshihrü ki thrünpuhbo de jisho (tüsho amüsühyu ju müthsümünimkhuk),

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 19:36

Tümüde amüsühyu dünjipü thsüde harü rhimokheah, “Api robo khülang she müyihshak.”

YUNIRÜBO RHIMO 1:20

Tümüde Mungshikhün ching ha thrüta lah: “ ‘Api lapung zhikrangkhündo kamshang, tüsho ju ching she dülashih, püpürünü api rhimoyam lushang.’

YUNIRÜBO RHIMO 13:15

Yakzan tüsho wukihrübo khe dunglim, sinagog yakzanshuhrübonü arü kilim yüshihde tha, “Keoniorübo, nüsanü mihtsürübo thsungkheak atuthsukyu tümükhüh lasho thaang.”

YUNIRÜBO RHIMO 13:38

Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang,

YUNIRÜBO RHIMO 15:13

Anenü athakham dunglim, Jakobnü alo, “Keoniorübo, I ki aniang.

YUNIRÜBO RHIMO 15:7

Tüsho khide atsangachih dunglim, Peternü zhipbah arü ki tha, “Keoniorübo, khiungkerü ki thiyusheak atsü thsangyuthsangrade arünü sobah akinpü thsüde Thrünpuhnü adüsonü nüsa bolungnü I mokhitdo de nüsanü mükheahlah.

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

YUNIRÜBO RHIMO 22:1

“I keoniorü Israelrübo, kheakü nüsa miki inü alim thakhi anijang.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 23:6

Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 28:25

Jumonü Paulnü ha thachoki arü bolung marüpachihde chamachih: “Nüsa jipürü ki Isaia wukihrü hode Amüsüh Menü athakhi ju alungki lakheah:

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

2 PETER 2:21

Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado.