YUNIRÜBO RHIMO 1:15 - AMÜSÜH HÜM CL Bible (BSI)

¹⁵ Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 1:15 Iomraidhean Croise

MATHI 13:31

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching woninji hiukhi kiphahlah,

LUKNÜ ATHRÜTKHI THIYUSHEAK-ATSÜ HUHTANYU 22:32

Tüshe nü akin mayopü thsüde inü nü thsungkheak tamkhüntamnü; tüsho küyimki nü I kilim rholobanü nü keoniorü reangzahshang.”

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

JOHAN 21:23

Judüki ha jingyanrü müshe de alabah de ha thakhi keoniorü bolung bude yü. Tütüshe Jisunü a api müshe de mütha tüshe hade tha, “I arüpü khiungde inü api alashihpü mulungsho, nü tümü la”?

YUNIRÜBO RHIMO 10:23

Jumonü apinü arübo anihbuh hanrü thsüde beyuka yapshih. Ashidopü apinü asürübah arü lung yü tüsho api keoniorü khürü Joppa chingnü api lung yü.

YUNIRÜBO RHIMO 11:1

Kheakü Judea ching lakhi amüsüh-thsangyurübo tüsho keoniorübonü khiungkerü she Thrünpuh yu leangkhido de so.

YUNIRÜBO RHIMO 11:12

Judüki mudukiuhlode arü lung yüpü Menü I ki tha, junangde harü keoniorü 6nü I atrude arü, tüsho isanü mihtsürü yam ching ju yüzah.

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 14:2

Tüshe amükinrü Jihudarünü khiungkerü thurumusu tüsho keoniorübo azhihde arü lümkhi mülapyukjih.

YUNIRÜBO RHIMO 15:1

Tüshe mihtsürü khürü Judea chingnü akibah keoniorübo ki, “Mosa yakzan yande nüsa tsütamübahsho, nüsa mükhümkhitkhuk,” de thsangyude alakheah.

YUNIRÜBO RHIMO 15:3

Jumonü borünü ane limro ching yüshihkhi nangde khiungkerü mulong müthrikhi thiyusheak jihde Phoenikia tüsho Samaria hode yü, tüsho ha yusheaknü keoniorü alala khide asühshih.

YUNIRÜBO RHIMO 16:2

Lystra tüsho Ikonium ching keoniorübonü Timothi tsülah de tha.

YUNIRÜBO RHIMO 16:40

Junangde anenü rihyam chingnü wukhiukbah Lydia rhuakheah; tüsho küyimki anenü keoniorübo ngükheanü arü ki mulong tuthsuk tüsho chamachih.

YUNIRÜBO RHIMO 17:10

Keoniorübonü niokheamde Paul le Sila büne azhing chingnü Berea lim thiyia tsoshih; tüsho küyimki ane akhiungkheanü Jihudarü sinagog ching yüzah.

YUNIRÜBO RHIMO 17:14

Keoniorübonü Paul ju niokheamde keto lim thiyia tsoshih; tüshe Sila le Timothi büne a Berea ching binlo.

YUNIRÜBO RHIMO 17:6

Tüsho küyimki arünü ane müngükheanü Jason le keoniorü khürü kiuto limberübo müngüh bebah tsahde zhi, “Alomi neamneamjihrü mihtsürü harü ha ching she arüa lah,

YUNIRÜBO RHIMO 18:18

Ju dunglim Paulnü nimung ashang mung, tüsho keoniorübo zojihbah api lung Priscilla tüsho Aquila bebah sangkung chingnü Siria lim yü. Mütsahmusuyide apinü Kenkrea ching ku hüt, tümüde apinü thiyuchihchima lakheah.

YUNIRÜBO RHIMO 18:27

Tüsho küyimki apinü Akaia lim hode ayüpü mulongkhea, keoniorübonü api mulong toshih, tüsho api leangkhipü akinrübo kilim thrüt. Küyimki api akhiungkhea, mihmüthsüm hode akinrübo apinü tode rung,

YUNIRÜBO RHIMO 21:17

Küyimki isa Jirusalem ching arükheanü keoniorünü isa asühde leangkhi.

YUNIRÜBO RHIMO 21:20

Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

YUNIRÜBO RHIMO 21:7

Küyimki isa Tair chingnü hantsahde Tolima khiungkhea, isanü keoniorübo ki salüm thsübah arü lung nimung khülang mung.

YUNIRÜBO RHIMO 22:5

Inü thiyuro thachoh de achangbe amükeambuh tüsho kiuthsü-binkiu abümnü thiyumütsan jihpü kuklah. Arünü keoniorü Jihudarü kilim kihüm thrütkhi inü leangkhi, junangde inü arü rhüka lubah Jirusalem chingnü athsümüchipü Damaska ching yü.

YUNIRÜBO RHIMO 28:14

Ju ching isanü akinrübo ngü, tüsho nimung thüne arü lung mungpü jiyuk. Tüsho isanü Rom ching arü.

1 KORINT 15:6

Jushu kim khülang chingnü keoniorü 500 akumung ki akhiuk, khürü sheabah-a lalashe ahihbe khihni khiungde lah.

AMIKHEAKAKHIUKKHI 11:13

Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.

AMIKHEAKAKHIUKKHI 3:4

Tütüshe nü arü khimmihbo mümüneankhi Sardis ching khürü lah; tüsho arünü amüye yihbah I lung tsahbah, tümüde arü thülünlah.