YUNIRÜBO RHIMO 1:14 - AMÜSÜH HÜM CL Bible (BSI)

¹⁴ Arü alala rukhühnü aliberübo le Jisu abe Mari tüsho api keoniorübo lung tamkhüntamnüpü mutukzhakde mukhungde la.

YUNIRÜBO RHIMO 1:14 Iomraidhean Croise

MATHI 12:46

Küyimki api boto ki asukachihde alakheanü, abe le akeoniorübo api ki asukachihpü künde wungdo zhipde alakheah.

MATHI 21:22

Tüsho nüsanü tümüpürü tamkhüntamnüde akheangbanü, nüsa akin lasho nüsanü angübah.”

MATHI 27:55

Tüsho Galilee chingnü Jisu dunglim yande api tankihrü aliberü ahihdonü limshu chingnü kheahde alakheah,

MARK 15:40

Ju ching aliberü khürü limshu chingnü kheahde alarü bolung Mari Magdalen, akheambuh Jakob tüsho Josep büne abe Mari, tüsho Salome lakheah,

MARK 16:1

Küyimki Amuni hokhea, Mari Magdalen, Jakob abe Mari tüsho Salome arünü Jisu pang kheak mujupü rhümthüneabe lubah arü.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

LUKNÜ ATHRÜTKHI THIYUSHEAK-ATSÜ HUHTANYU 18:1

Judüki arünü kamruhroro tamkhüntamnüpü tüsho mulong müninipü thsangyude api jingyanrübo ki Jisunü shihdanglimyu tha.

LUKNÜ ATHRÜTKHI THIYUSHEAK-ATSÜ HUHTANYU 23:49

Tüshe api müyamrü alala Galilee chingnü api dunglim yande arükhi aliberübo jurübo kheahde limshu ching zhip.

LUKNÜ ATHRÜTKHI THIYUSHEAK-ATSÜ HUHTANYU 23:55

Tüsho Galilee chingnü api dunglim arürü aliberübonü api yan, tüsho arünü kiuyuk le api pang yapkhi kheahyuka zo.

LUKNÜ ATHRÜTKHI THIYUSHEAK-ATSÜ HUHTANYU 24:10

Amüsüh-thsangyurübo ki harü tharübo ju Mari Magdalen, Joanna, Jakob abe Mari tüsho arü lung püpürü liberübo lakheah.

LUKNÜ ATHRÜTKHI THIYUSHEAK-ATSÜ HUHTANYU 24:33

Jumonü anenü ju kim chingnü tsahmusubah Jirusalem lim alode yü, tüsho thürükheak khülang lung püpürü mukhunga ngü,

LUKNÜ ATHRÜTKHI THIYUSHEAK-ATSÜ HUHTANYU 24:53

tüsho mutuklode arüngyam ching Thrünpuh shijihde alakheah.

LUKNÜ ATHRÜTKHI THIYUSHEAK-ATSÜ HUHTANYU 8:20

Tüsho api ki tha, “Nü be le nü keoniorübo nü shorupü künde wungdo zhiplah.”

YUNIRÜBO RHIMO 2:1

Küyimki thünimni-thünio nimung khiungkhea, arü alalanü rukhüh dangpung khülang ching mukhung.

YUNIRÜBO RHIMO 2:42

Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 6:4

tüshe isanü tamkhüntamnü tüsho thsangyuthsangrapü khungde arhimobah.”

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

1 KORINT 14:13

Jumonü shepünü thiyutha thachonü athanakpü wu thsungkheak tamkhüntamnübeah.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;