YUNIRÜBO RHIMO 1:13 - AMÜSÜH HÜM CL Bible (BSI)

¹³ Tüsho küyimki arü yüzahkheanü, arünü arü binkhi achangbe khiungshak ching yükih: Peter, Jakob, Johan, Andria, Philip, Thoma, Bartholoma, Mathi, Alphia tsührü Jakob, Zealot de ajikhi Simon tüsho Jakob tsührü Juda.

YUNIRÜBO RHIMO 1:13 Iomraidhean Croise

MATHI 9:9

Jisu ju chingnü yüde alachoki, apinü ruk-threyam ching Mathi binde ngü. Apinü anihbuh ki tha, “I dunglim yanang.” Tüsho apinü asürübah api dunglim yan.

MARK 14:15

Judüki apinü nüke ki alungbe khiungshak binpungbo thsakhamkhi huhbah; ju ching isa thsungkheak thsakhamang.”

MARK 14:33

Tüsho apinü anihbuh lung Peter, Jakob, tüsho Johan bea lu tüsho küpkhukpü tüsho sükde lümthsünüpü tankih.

MARK 2:14

Tüsho api tsahhode alachoki, apinü Alphia tsührü Levi ruk-threyam ching binde ngü, tüsho apinü anihbuh ki tha, “I dunglim yanang.” Tüsho apinü asürübah api dunglim yan.

MARK 5:37

Tüsho apinü Peter, Jakob, tüsho Jakob niurü Johan kheak hode api dunglim yüpü sheshe mümülü.

MARK 9:2

Nimung thuruk dunglim Jisunü Peter, Jakob, tüsho Johan bebah müzüng achang kheak wutubah arü zangrü la; tüsho arü miki api jak müthriabah.

LUKNÜ ATHRÜTKHI THIYUSHEAK-ATSÜ HUHTANYU 22:12

Judüki apinü nüke ki phezhingzhinga lakhi akube khiungshak ato khülang huhbah.”

JOHAN 11:16

Judüki Didama de ajikhi Thomanü rukhüh jingyanrübo ki tha, “Isa she api lung shepü thsüde thsangyubuh lung yüanü.”

JOHAN 14:22

Judanü (Iskariot yung) api ki tha, “Atungpuh, nünü küde thsah alomi ki yungde isa ki akhiuka huhba?”

JOHAN 18:17

Judüki ripit neakkhi yamlaberünü Peter ki tha, “Nü she ha mihtsürü jingyanrü bolung belah yung de?” Apinü tha, “I a yung.”

JOHAN 21:2

Simon Peter, rüpde-zübekhi de ajikhi Thoma, Galilee ching Kananrü Nathanael, Zebedee tsührübo, tüsho api jingyanrü püpürü mahne rukhüh lakheah.

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 15:13

Anenü athakham dunglim, Jakobnü alo, “Keoniorübo, I ki aniang.

YUNIRÜBO RHIMO 2:14

Tüshe Peternü thürükheak khülang lung zhipbah düsheak achangnü arü ki tha, “Juda mihtsürübo tüsho Jirusalem ching larü alala, nüsanü ha mükheahang, tüsho I yubo aniang.

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 20:8

Isa mukhunga lakhi akube khiungshak ching ju tsünpung ahihdo taka lakheah.

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 4:19

Tüshe Peter le Johan bünenü arü ki alo, “Thrünpuh kheaknü alü nüsa ki anipü Thrünpuh miki alim la shi yungnü nüsanü lümakheahang.

1 KORINT 15:7

Jushu apinü Jakob ki, jushu amüsüh-thsangyurü alala ki akhiuk.

GALATIA 1:19

Tüshe Atungpuh niurü Jakob kheak hode inü püpürü amüsüh-thsangyurü sheshe müngü.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

2 JOHAN 1:1

Azothsürü kilimnü, I tüsho thiyuro mükheahrü alala thiyuro ching muzhokhi amokhitkhi liberü tüsho anihbe tsührübo kilim–

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim: