WÜHKHE 9:23 - AMÜSÜH HÜM CL Bible (BSI)

²³ Atungpuh yukhüm anide arünü binkheam tüsho Atungpuh yukhüm anide arünü tsahmusu; Atungpuhnü Mosa ki thiyukhüm jihkhi anide arünü Atungpuh yu ani.

WÜHKHE 9:23 Iomraidhean Croise

THRÜNTAN 26:5

tümütüsho Abrahamnü I yu ani tüsho I yakzanbo le thiyukhümbo alala zo.”

MUNGSHIKHÜN 107:7

Tüsho apinü arübo alungki limrobo mikhuh be, junangde arünü alapü thsungkheak kiuto lim yüpü lakheah.

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

ABEKHIT 17:1

Atungpuh yukhüm yande Israel boto alala Zin sunglo chingnü tsahmusude yü tüsho Rephidim ching binkheam; tüshe ju ching mihtsürübo thsungkheak ayungpü ke mülakheah.

ISAIA 63:14

Jindükhün ching moshi yüzahkhi nangde, Atungpuh menü arü kilim sühakhim jih. Hanangde nü mung müretahpü thsungkheaknü nünü nü mihtsürü be.

EZEKIEL 44:8

Tüsho nüsanü amüsüh kingaün jihpü mürhimo; tüshe nüsanü nüsa thsung thsüde I yo arüngyam ching rhimoshihpü khiungkerübo ki jih.

ZEKARIA 3:7

“ Wuto Atungpuhnü ha thachoh: Nünü I limro ching tsahsho tüsho inü alunekhibo zosho, nünü I yam kurungkheak yakzan shuhbah tüsho ju khiungshakbo neakbah, tüsho ha ching zhiprü bolung inü nü kilim dangpung ngüpü alim jihbah.

WÜHKHE 10:1

Atungpuhnü Mosa ki tha,

WÜHKHE 10:13

Atungpuhnü Mosa ki thiyukhüm jihkhi yande arünü akhuhbe thsüde tsahmusu.

WÜHKHE 9:19

Amo junü nimung ashang arüngyam kumung lalashe Israelrübonü Atungpuh yu anide mütsahakhin.

JIHUSUA 22:3

Harü nimungbo chingnü khihni khiungde nüsanü nüsa keoniorü Israelrü mübahyuk, tüshe Atungpuh nüsa Thrünpuh yukhüm kümkangde anido.