WÜHKHE 9:22 - AMÜSÜH HÜM CL Bible (BSI)

²² Hoju nimung mahne, yungsho khinu khülang, yungsho kam khülang thsüthsü, amo ju arüngyam kumung la khiungde Israelrübonü binkheampung ching la tüsho mütsahmusu; tüshe küyimki akhinabahkheanü arünü tsahmusu.

WÜHKHE 9:22 Iomraidhean Croise

MUNGSHIKHÜN 107:7

Tüsho apinü arübo alungki limrobo mikhuh be, junangde arünü alapü thsungkheak kiuto lim yüpü lakheah.

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

ABEKHIT 39:42

Atungpuhnü Mosa ki thiyukhüm jihkhi nangde Israelrünü rhimo alala ban.

ABEKHIT 40:16

Junangde Atungpuhnü api kilim thiyukhüm jihkhi nangde Mosanü alala rhimo.

WÜHKHE 1:54

Jumonü Atungpuhnü Mosa ki thiyukhüm jihkhi nangde Israelrünü alala rhimo.

WÜHKHE 8:20

Jumonü Mosa, Aron tüsho Israelrü mihtsürü athrünkhinü, Atungpuhnü Mosa ki thiyukhüm jihkhi nangde Levirübo ki rhimo.

WÜHKHE 9:17

Tüsho küyimki amo ju arüngyam kumungnü akhinkhea, jushu Israelrü mihtsürübonü tsahmusu; tüsho amo kükheak keambanü ju kheak Israel mihtsürübonü arü khimyam thsü.

WÜHKHE 9:21

Tüsho kim kim ching a amo ju arenü yapsu khiungde kih; tüsho küyimki amo ju yapsu akhinbanü, arünü tsahmusu, animung yungsho are thsüthsü küyimki amo ju akhinbanü arünü tsahmusu.

YUNIRÜBO RHIMO 1:4

Tüsho küyimki arü mukhungkhea, apinü arü ki thiyukhüm jih: “Jirusalem bahbah dütso, tüshe inü nüsa ki thakhi I Buhnü alokhikhi thsambah thsungkheak aleangang.