WÜHKHE 8:21 - AMÜSÜH HÜM CL Bible (BSI)

²¹ Levirübonü arü zangrü müsühkhit tüsho khimmihbo müsüh, tüsho Aronnü arübo müsühkhitbah Atungpuh kilim müleamde kingaünkhi nangde jih tüsho apinü arübo müsühkhitde dünthsükhia bah.

WÜHKHE 8:21 Iomraidhean Croise

ABEKHIT 19:10

Judüki Atungpuhnü Mosa ki tha, “ Mihtsürübo kilim yüang tüsho khihni le shido arü tsangkhitang, tüsho arü khimmih müsühshang.

LEVI 14:11

Amükeambuhnü mihtsürü tüsho kingaünbo lubahle Atungpuh shorupung khimyam ripit ki yübah.

WÜHKHE 19:12

Api küdah thsüde nimung mahsam ni tüsho thüne nipü kemüyihde müsühkhitbah, tüsho api amüsüh labah; tüsho apinü nimung mahsam tüsho nimung thüne nipü ching mümüsühkhitsho, api mümüsüh.

WÜHKHE 19:19

Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah.

WÜHKHE 3:12

Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah,

WÜHKHE 8:15

Ju dunglim küyimki nünü Levirübo müsühkhitbah, I kilim müleamde kingaünkhi jihbanü, arübo arüngyam ching tankihpü yübah.

WÜHKHE 8:20

Jumonü Mosa, Aron tüsho Israelrü mihtsürü athrünkhinü, Atungpuhnü Mosa ki thiyukhüm jihkhi nangde Levirübo ki rhimo.

WÜHKHE 8:22

Ju dunglim Levirübonü ashorupung khimyam ching rhimopü Aron tüsho atsührübo miki yü; Atungpuhnü Mosa ki Levirübo dünkheak thiyukhüm jihkhi nangde mihtsürübonü arübo ki ju ruk rhimo.

WÜHKHE 8:7

Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah.