WÜHKHE 8:12 - AMÜSÜH HÜM CL Bible (BSI)

¹² Levirübonü arü khah moshipung mahne ku kheak nimbah; khülang neak kingaün jihbah tüsho püpü ju taka kingaünbah, junü Levirü müsühkhitkhi rhimobah.

WÜHKHE 8:12 Iomraidhean Croise

ABEKHIT 29:10

“ Moshipung ju ashorupung khimyam mikhuh lude arang, tüsho Aron le atsührübonü arü khah aku kheak nimbah.

LEVI 1:4

Apinü taka kingaünkhi ku kheak akhah nimbah, tüsho api neak thsükhiabahkhi kingaün dün leangkhibah.

LEVI 14:22

kheaküshe apinü ajihkhukpü lakhi müthrithrümpü mahne yungsho chithüreku mahne jihbeah; khülang ju neak kingaünpü tüsho püpü ju taka kingaünpü thsungkheak.

LEVI 16:11

Küyimki Aronnü api tüsho ayamkhün thsungkheak moshipung arü neak dünthsükhipü laksah-a neak kingaün jihbanü,

LEVI 16:21

Apinü akhah ane chido mihnu ku kheak nimde Israel tsührünü ayihbeakkhi amülim alala, azhihde thiyuzüng thsümünimkhi alala, tüsho arü neak thsükhibah, tüsho akhukhita lubuhnü mihnu bebah yünü sunglo ching dükhebah.

LEVI 16:6

Apinü anihbuh tüsho yamkhün neak dünthsükhipü moshipung khülang jihbah.

LEVI 4:15

tüsho boto ching azothsürübonü aku kheak arü khahnü animbah, tüsho ju ching laksahbah.

LEVI 4:20

Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah.

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 4:4

Apinü moshipung ju Atungpuh shorupung khimyam ripit ki bedarübah, akhahnü aku kheak nimbah, tüsho ju ching Atungpuh mikinü alaksahbah.

LEVI 5:7

Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah.

LEVI 8:14

Neak kingaünpü Mosanü moshipung handarü, tüsho Aron le atsührübonü arü khah aku kheak nimkih.

LEVI 8:15

Mosanü ju laksahbahle athiyih khürü lu tüsho müsühkhitde ayingkhing kheaknü kingaünpung juhbo kheak yihkih. Tüsho apinü aningkhi thiyih ju kingaünpung jing kheak bukkih. Hanangde apinü dünthsükhide müsühkhit.

LEVI 8:18

Jushu, Mosanü taka kingaünpü mihnupung handarü, tüsho Aron le atsührübonü arü khah aku kheak nimkih.

LEVI 8:34

Khihni isanü tümü rhimodünü, nüsa neak dünthsükhipü thsungkheaknü Atungpuhnü isa ki thiyukhüm jih-a rhimoshihkheah.

LEVI 9:7

Tüsho Mosanü Aron ki tha, “ Kingaünpung ki phünide yüliang, tüsho nüsa le mihtsürübo münean dünthsükhipü neak kingaün tüsho taka kingaünkhi jihang. ATU NGPUH NÜ thiyukhüm jihkhi nangde mihtsürübo neak dünthsükhijang.”

WÜHKHE 6:14

Tüsho apinü Atungpuh kilim lapha mükihkhi shiwüh mahsam jihbah: taka kingaünpü kam khülang bankhi namfimihnunu pung tüsho neak kingaünpü kam khülang bankhi namfimihnunu dre, tüsho mungtsü kingaün thsungkheak mihnupung khülang de ajihbeah,

WÜHKHE 6:16

Tüsho amükeambuhnü jurübo Atungpuh miki handarübah tüsho api thsungkheak neak kingaün tüsho taka kingaünkhi jihbah;

WÜHKHE 8:13

Levirübo ju müsühkhitde I kilim müleamde kingaünang, tüsho arü ju Aron le atsührübo miki zhipshang.

WÜHKHE 8:8

Tüsho arübonü moshipung nunu le hi kingaün lushang, ju ching ayikangkang tüsho oliv müdangke yukshang, tüsho nünü neak kingaünpü moshipung nunu püpü luang.

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.