WÜHKHE 7:13 - AMÜSÜH HÜM CL Bible (BSI)

¹³ api kingaün ju arüngyam ching adünkhi yande shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

WÜHKHE 7:13 Iomraidhean Croise

1 KIULONG THSÜRÜ 7:43

lolungbe 10, lolungbe kheak müsühmüra-phuru 10;

1 KIULONG THSÜRÜ 7:45

Phühbo, alo-thsukbe, tüsho müsühmüra-phurubo, harü kukruk alala Huramnü kiulongthsüpuh Solomon khilim Atungpuh yam thsungkheak thsükhi ju müwayinchi ashahshah lakheah.

EZRA 8:25

Jushu, kiulongthsüpuh, api ki lümlung-jihrü, atorübo tüsho Israelrünü shotoyinchi, suna tüsho phühlungbo arüngyam ching ahorishihpü jihkhi adüna amükeamrübo kilim jih.

ABEKHIT 25:29

Nüsanü phurubo, pungbo, phühbo, tüsho phurusükbo yukhu kingaünpü suna müthsünnü thsang.

ABEKHIT 30:13

Wühkhe ching kheyukrü abannü arüngyam ching yo shekel yande gera 20 adünkhi shekel chamshakkhüh jihbeah. Ha shekel chamshakkhüh ju Atungpuh kilim kingaünkhi ah.

ABEKHIT 37:16

Apinü phurubo, pungbo, phühbo, tüsho phurusükbo yukhu kingaünpü suna müthsünnü thsü.

JEREMIA 52:19

Aheangrü wühkenobuhnü phurusük aninibo, mophuru, müsühmüra-phuru, phühbo, tsünpung zopung, jakobo, tüsho pungbo she suna tüsho shotoyinchinü athsükhi lu.

DANIEL 5:2

Belshazzarnü yukhu yungakede alachoki, abuh Nebukednezarnü Jirusalem ching arüngyam chingnü ayihkhitkhi suna tüsho shotoyinchi pungphurubo lude azahpü thiyukhüm jih, junangde kiulongthsüpuh, api putungrü, aniubebo, tüsho hanniubebonü jurü chingnü ayungpü lakheah.

LEVI 2:1

Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang,

LEVI 27:25

Adün akhukhi alala arüngyam ching lakhi shotoyinchi yande alabah: gera 20nü shekel 1 akhubah.

LEVI 27:3

athrürü kam 20 le 60 dükeak arüngyam ching akhukhi yande shotoyinchi 50 dünde akhuang;

ZEKARIA 14:20

Ju nimung khora yinchibo kheak dokih-a labah, “Atungpuh Amüsüh thsang.” Tüsho Atungpuh yam ching dükihthüra phühbo ju kingaün sadam miki amüsüh phurusükbo nangde amüsüh labah;

WÜHKHE 15:4

shepünü Atungpuh kilim kingaün jihbanü apinü ayikangkang khahngak 1 ching oliv müdangke pungdüchi 1 yukbah hi kingaün jihbeah;

WÜHKHE 28:5

Ju lung ayikangkang khahngak 1 ching oliv müdangke pungdüchi 1 yukbah hi kingaün jihang.

WÜHKHE 29:6

jurübo ju khinu aso ching hi taka kingaünkhi, mutukzhakde hi taka kingaünkhi, tüsho ayungbe kingaün, thiyuzüngbo yande monü taka kingaünkhinü Atungpuh kilim arhümthüneashang.

WÜHKHE 3:47

Nünü mihbüm khülang kheaknü shotoyinchi nak 5 luang; nünü ju arüngyam ching lakhi gera 20nü shekel 1 khekhi yande luang.

WÜHKHE 7:12

Atan ni kingaün jihbuh ju Juda trük chingnü Amminadab tsührü Nashon;

WÜHKHE 7:14

shekel 10 dünkhi arhümthüneabe zahde suna mopungphüh 1;

WÜHKHE 7:73

api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

MATHI 14:11

Api ku ju phuru chingnü lude arübah anünübe kilim jih, tüsho alibenü ju abe kilim ludarü.

MATHI 14:8

Abenü ajuhkhi yande alibenü tha, “Johan Baptijihbuh ku phuru chingnü I kilim jihang.”