WÜHKHE 6:3 - AMÜSÜH HÜM CL Bible (BSI)

³ apinü yukhu tüsho phapke chingnü achamkhibeah; apinü yukhu tüsho püpü phapke chingnü athsükhi muyung, tüsho kurungaso ke muyung yungsho kurungaso aphüyak yungsho akungkhi mütsüh.

WÜHKHE 6:3 Iomraidhean Croise

LEVI 10:9

“ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah.

AMOS 2:11

Tüsho inü nüsa tsührü khürü wukihrübo akhiukshih tüsho athunurü khürü Nazirit kamshih. Ha atsütsü yung de, O Israel mihtsürü? Atungpuhnü thachoh.

AMOS 2:12

Tüshe nüsanü Nazirit ki yukhu yungshih, tüsho wukihrübo ki thiyukhüm jihde tha, “ Nüsanü dümüchit.”

WÜHKHE 6:4

Api Nazirit thsükhi nimung amuyung kurungaso chingnü akhiukkhi tümü she mütsüh, ajibo yungsho aküpbo she mütsühbeah.

LUKNÜ ATHRÜTKHI THIYUSHEAK-ATSÜ HUHTANYU 1:15

Tümüde api ju Atungpuh miki ato labah, tüsho yukhu yungsho amüshangbe muyung. Api ju abe nuyam chingnü Amüsüh Menü mide alabah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

1 TESALONIKA 5:22

amütsü mungjibo chingnü bahkhiang.

1 TIMOTHI 5:23

Kheakü ke müthsün düyung, tüshe nü buk mütsükhi tüsho kheakü kheakü tukthsükhi hode kurungaso ke anüknük yungang.

IBRI 9:10

tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.

MAHKHAPRÜ 13:14

Alibenü kurungaso chingnü akhiukkhi tümü she mütsühbeah, yungsho yukhu le amüshangbe düyung, yungsho amümüsüh tümü dütsüh. Inü anihbe ki thakhi alala alibenü rhimoshang.”

MAHKHAPRÜ 13:4

Jumonü kheakü, muzhobah yukhu yungsho amüshangbe muyungpü kümkangang, tüsho amümüsüh tümü she dütsüh.