WÜHKHE 6:20 - AMÜSÜH HÜM CL Bible (BSI)

²⁰ tüsho amükeambuhnü jurü Atungpuh ki müleamde kingaünbah; mihnupung khüh tüsho apho ju amükeambuh thsungkheaknü amüsüh kingaün, yakzan yande ju amükeambuh yo thsübah. Jushu, Naziritbuhnü yukhu yungpü kuklah.

WÜHKHE 6:20 Iomraidhean Croise

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

LEVI 10:15

Arung kingaünkhi apho tüsho müleamde kingaünkhi akhüh ju, Atungpuh miki müleamde kingaünpü thsüde taka kingaünkhi amüdang lung handarübah, tüsho Atungpuhnü thiyukhüm jihkhi nangde, ha nü tüsho nü tsührübonü lünnü rhimode ayüpü yakzan labah.”

LEVI 23:11

tüsho nüsa aleangkhikhukpü thsüde, apinü Atungpuh miki müleamde kingaünbah; ju amunimung shidopü amükeambuhnü müleamde ajihbah.

LEVI 7:30

Anihbuh khahnü taka kingaünkhi Atungpuh kilim handarünü ajihbah. Apinü shiwüh müdang tüsho ju lung akhüh ju atsüdakbe thsambah thsüde Atungpuh kilim handarübah.

LEVI 7:31

Amükeambuhnü amüdang ju kingaünpung kheak takbah, tüshe akhüh a Aron tüsho atsührübo yo thsübah.

LEVI 7:32

Tüsho nüsanü tsülim pho ju shuhmülanga jihkhi mungtsü kingaün chingnü arung kingaün nangde amükeambuh kilim jihang;

LEVI 7:34

Tümüde Israel mihtsürünü mungtsü kingaünkhi chingnü atsüdakbe kingaün jihkhi akhüh, tüsho apho inü ludo, tüsho ha Israel mihtsürünü lünnü jihde alapü yakzan thsüde amükeambuh Aron le atsührübo kilim jihdo.

LEVI 9:21

tüshe Mosanü thiyukhüm jihkhi nangde, Aron nü akhühbo le tsülim pho ju Atungpuh miki müleamde kingaün.

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.

WÜHKHE 18:18

Akhüh tüsho tsülim pho müleamde kingaünkhi küpü nü yoanü junangde ashihtsübo nü yo thsübah.

WÜHKHE 5:25

Tüsho amükeambuhnü mükthsükhi hi kingaün alibe khah chingnü alubah, tüsho hi kingaün ju kingaün sadam kheak handarübahle Atungpuh miki müleamde kingaünbah;

WÜHKHE 6:21

Harü ha Nazirit thsungkheaknü yakzanbo; Atungpuh kilim arü kingaün ju arünü ajihkhukpü lakhi kheaknü büthsüde Nazirit thiyuchihchim yande alabeah. Arünü thiyuchihchimkhi yande, arü müsühkhitpü thsungkheaknü yakzan yande arhimobah.

MATHI 26:29

Tüshe inü nüsa ki thachoh, inü nüsa lung I Buh kiulongthsü ching kurungaso ke aso muyungyi khiungde kurungaso ke muyung.”

MARK 14:25

Atsütsü inü nüsa ki thachoh, inü Thrünpuh kiulongthsü ching aso muyungyi khiungde kheaküa inü ha muyunglo.”

JOHAN 19:30

Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.