WÜHKHE 6:15 - AMÜSÜH HÜM CL Bible (BSI)

¹⁵ kheaküshe apinü phaüm muyukkhi yikhap mulukkhüh, ayikangkang ching oliv müdangke yukbah athsükhi yikhap tüsho oliv müdangke yukbah anungkhi phaüm müzahkhi yikhap ninibo, arü hi kingaünbo tüsho yukhu kingaünbo lungnü ajihbah.

WÜHKHE 6:15 Iomraidhean Croise

ABEKHIT 29:2

Tüsho wheat yo atsüdak ayikangkangnü phaüm muyukde, yikhap le yikhapkheambo müdangke bede thsang.

ISAIA 62:9

tüshe sherünü yimlubanü ju tsühbah tüsho Atungpuh mung shibah, tüsho sherünü hanmukhungbanü I yo amüsüh yam ching ju yungbah.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:9

Hi kingaün tüsho ayungbe kingaün Atungpuh yam chingnü tuklodo. Atungpuh tankihrü, amükeamrübonü tüzhochoh.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

LEVI 2:4

Kingaün ju yinchikuk chingnü akhapkhi yikhap thsüsho, ju ayikangkang atsüdakbe tüsho oliv müdangke yukbah anungkhi phaüm muyukkhi yikhap yungsho phaüm muyukkhi yikhapkheam thsübeah.

LEVI 7:12

Khürünü Atungpuh kilim makshe kingaün jihsho apinü shiwüh lung phaüm muyukkhi yikhap bebah shuhmülanga jihbah: ju ayikangkangnü anungkhi yikhap ching müdangke yukkhi yungsho yikhapkheam müdangkenü amujukhi yungsho ayikangkang atsüdak ching müdangke yukkhi yikhap jihbeah.

LEVI 8:2

Aron tüsho api lung atsührübo beang tüsho ju lung amükeamrü khimmih, mujude-müsühkhitbe müdangke, neak kingaün thsungkheak moshipung nunu khülang, mihnupung mahne, tüsho phaüm muyukkhi yikhap muluk khülang,

LEVI 9:4

tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

WÜHKHE 15:10

tüsho ayungbe kingaün ching yukhu pungdüchi 2 monü taka kingaünde Atungpuh kilim arhümthüneashang.

WÜHKHE 6:16

Tüsho amükeambuhnü jurübo Atungpuh miki handarübah tüsho api thsungkheak neak kingaün tüsho taka kingaünkhi jihbah;

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

1 KORINT 11:26

Tümüde nüsanü küdükhüh ki ha yikhap tsühba tüsho pung yungbanü api arü khiungde Atungpuh shekhi dünkheak zhiyukjang.