WÜHKHE 5:9 - AMÜSÜH HÜM CL Bible (BSI)

⁹ Israelrü tsührübonü amüsüh kingaün amükeambuh kilim handarükhi ju api yo thsübah.

WÜHKHE 5:9 Iomraidhean Croise

ABEKHIT 29:28

Ha kamruhroro Aron le atsührübo thsungkheak Israelrü kilimnü mutukzhak shihcham labah. Ha Israelrünü arü mungtsü kingaün chingnü Atungpuh kilim arung jihkhi labah.

LEVI 10:13

Ha amüsüh dangpung chingnü tsühang, haju Atungpuh kilim taka kingaünkhi chingnü nü tüsho nü tsührübo dün ah; tümüde ha inü thiyukhüm jih.

LEVI 10:14

Tüsho amükeamrübo dünkheaknü akhüh le apho müleamde Atungpuh kilim jihkhi ju nü tüsho nü tsührübonü atsühpü kuklah. Nüsanü ju amüsüh dangpung khürü chingnü tsühang. Ha kingaünbo ha Israelrü mungtsü kingaün chingnü ayihkhitkhi nü tüsho nü tsührübo shihcham ah.

LEVI 10:15

Arung kingaünkhi apho tüsho müleamde kingaünkhi akhüh ju, Atungpuh miki müleamde kingaünpü thsüde taka kingaünkhi amüdang lung handarübah, tüsho Atungpuhnü thiyukhüm jihkhi nangde, ha nü tüsho nü tsührübonü lünnü rhimode ayüpü yakzan labah.”

LEVI 6:26

Amükeamrü shepünü neak kingaün jihchonü ju amüsüh dangpung, Atungpuh shorupung khimyam dükeaknü atsühbah.

LEVI 7:32

Tüsho nüsanü tsülim pho ju shuhmülanga jihkhi mungtsü kingaün chingnü arung kingaün nangde amükeambuh kilim jihang;

LEVI 7:34

Tümüde Israel mihtsürünü mungtsü kingaünkhi chingnü atsüdakbe kingaün jihkhi akhüh, tüsho apho inü ludo, tüsho ha Israel mihtsürünü lünnü jihde alapü yakzan thsüde amükeambuh Aron le atsührübo kilim jihdo.

WÜHKHE 18:19

Amüsüh kukrukbo Israel mihtsürübonü Atungpuh kilim arung kingaün jihkhibo lünnü rhimode ayüpü yakzan thsüde inü nü tüsho nü tsührübo le tsührübebo kilim jihdo; ha Atungpuh miki lünnü müthsümünimde alapü nü tüsho nü tsührü tsührübo kilim tangzüngkhi lah.

WÜHKHE 31:41

Atungpuhnü thiyukhüm jihkhi nangde Mosanü ruk ju Atungpuh shihcham thsüde amükeambuh Eleazar kilim jih.

WÜHKHE 5:8

Tüsho mihtsürü ju sheabahsho tüsho amülim dün shaklokhi jihpü thsüde api buhtsührü mülasho, api dünthsükhipü lakhi mihnupung kheak ajakbah amükeambuh thsungkheaknü Atungpuh kilim jihbah.

YUZÜNGTHALO 12:26

Nü yo amüsüh kukrukbo, tüsho thiyuchihchimkhi kingaünbo nünü lubah Atungpuhnü amokhitkhi dangpung ching yüang.