WÜHKHE 4:20 - AMÜSÜH HÜM CL Bible (BSI)

²⁰ tüshe arünü anükhüh kheak lang she amüsüh kukrukbo kheahpü müyüzah, jude yungsho arü ashebah.

WÜHKHE 4:20 Iomraidhean Croise

ABEKHIT 19:21

Tüsho Atungpuhnü Mosa ki tha, “Yükiang tüsho mihtsürübo ki müzünde thaang, jude yungsho Atungpuh kheahpü arünü akishak hobah, tüsho arü ahihkhüh shebah.

LEVI 10:2

Tüsho Atungpuh kilimnü mo akhiukbah Atungpuh miki ane taksahabah.

LEVI 16:13

Apinü Atungpuh miki rhümthüneabe ju mo kheak yihkihbah, tüsho rhümthüneabe takkhi mokhühnü tangzüng sangdan khidopü liudobah, jude athsükhinü apinü ju müngü tüsho müshe.

WÜHKHE 1:51

Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

WÜHKHE 18:3

Arübonü nü tüsho arüngyam yihnüpü ching rungbah; tüshe arünü küyimkishe arüngyam kukruk tüsho kingaün sadam phünide marü. Jude yungsho arü tüsho nü she ashebah.

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

WÜHKHE 4:19

tüshe arü ki tsüde rhimoang, junangde arü rhangdung labah tüsho khide amüsüh kukrukbo ki phünide arüchoki müshe: Aron tüsho atsührübonü yüzahang tüsho arü aban rhimo jihang,

WÜHKHE 4:21

Atungpuhnü Mosa ki tha,

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

1 SAMUEL 6:19

Beth-shemesh mihtsürübonü Atungpuh sangdan ching abinyuka kheahmonü arü kheak apinü shik; apinü arü mihtsürü 70 laksah. Mihtsürübonü tüzho tümütüsho Atungpuhnü mihtsürü bolung muliuhde laksah.