WÜHKHE 4:15 - AMÜSÜH HÜM CL Bible (BSI)

¹⁵ Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

WÜHKHE 4:15 Iomraidhean Croise

2 SAMUEL 15:24

Abiathar she wutu, tüsho Zadok she Levirü lung Thrünpuh tangzüng sangdan shuhbah yü. Mihtsürü alala kiuto chingnü müdütreakkhitkhamyi khiungde arünü Thrünpuh sangdan shuhkhia zo.

2 SAMUEL 6:13

tüsho Atungpuh sangdan shuhrü jingdükü thuruk yüchoki, apinü moshipung khülang tüsho amüdangkhi moshi nunu laksah-a Atungpuh kingaün.

1 KIULONG THSÜRÜ 8:3

Israel azothsürübo alala arü, tüsho amükeamrübonü sangdan ju han.

1 KIUTHSÜYUKHEAN 15:15

Tüsho Mosanü thiyukhüm jihkhi Atungpuh yu yande Levirünü Thrünpuh sangdan ju sangkhrihbo yukbah arü dubuh kheaknü shuh.

1 KIUTHSÜYUKHEAN 15:2

Judüki shenü she mushuh tüshe Levirünü Thrünpuh sangdan shuhbah de Davidnü thiyukhüm jih, tümüde Atungpuh sangdan shuhpü tüsho lünnü api tankihpü Atungpuhnü arü mokhit.

1 KIUTHSÜYUKHEAN 23:26

Jumonü Levirünü kheaküa arüngkhimyam yungsho amukhung ching ahorikhi kukrukbo mushuhdebah.”

ABEKHIT 19:12

Nünü alala mükamde mihtsürübo thsungkheak kishakde thaang, ‘Nüsanü müzüng kheak muwutupü yungsho ajing kheak müqiupü aniyuka zoang. Sherünü awung qiubanü tsükjide asheshihbah.

ABEKHIT 19:21

Tüsho Atungpuhnü Mosa ki tha, “Yükiang tüsho mihtsürübo ki müzünde thaang, jude yungsho Atungpuh kheahpü arünü akishak hobah, tüsho arü ahihkhüh shebah.

ABEKHIT 27:7

Akhrihbebo ju phuhphobo ching yukang, tüsho akhrihbebo ju kingaün sadam hanpü thsüde thrip mahne ching yukang.

LEVI 16:13

Apinü Atungpuh miki rhümthüneabe ju mo kheak yihkihbah, tüsho rhümthüneabe takkhi mokhühnü tangzüng sangdan khidopü liudobah, jude athsükhinü apinü ju müngü tüsho müshe.

WÜHKHE 1:50

tüshe nünü Levirübo a I lapung khimyam tüsho kukrukbo kurungkheak akheahrü mokhitang. Arünü arüngyam tüsho kukruk hande ju ching tankihbah, tüsho ju mühi arü binkheampungbo thsübah.

WÜHKHE 1:51

Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

WÜHKHE 10:21

Jushu Kohathrü amüsüh kukrukbo hanbah tsahmusu, tüsho arü mukhiungyide arüngyam ju thsükhia lakheah.

WÜHKHE 18:3

Arübonü nü tüsho arüngyam yihnüpü ching rungbah; tüshe arünü küyimkishe arüngyam kukruk tüsho kingaün sadam phünide marü. Jude yungsho arü tüsho nü she ashebah.

WÜHKHE 3:38

Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah.

WÜHKHE 4:14

tüsho arünü ju kheak kingaün sadam yo pungphuru alala, mophuru, shihkhoyang, alo-thsukbe, müsühmüra-phurubo yukbah; tüsho arünü ju kheak shihküp lüpkihbah ashuhbe sangkhrihbo yukbah.

WÜHKHE 4:19

tüshe arü ki tsüde rhimoang, junangde arü rhangdung labah tüsho khide amüsüh kukrukbo ki phünide arüchoki müshe: Aron tüsho atsührübonü yüzahang tüsho arü aban rhimo jihang,

WÜHKHE 4:20

tüshe arünü anükhüh kheak lang she amüsüh kukrukbo kheahpü müyüzah, jude yungsho arü ashebah.

WÜHKHE 7:9

Tüshe Kohath tsührübo kilim a apinü tümü müjih, tümütüsho arünü arhimobe lakhi ju amüsüh kukruk, arü dubuh kheaknü ahanpü lakheah.

YUZÜNGTHALO 31:9

Jumonü Mosanü ha yakzan thrütbahle Levi tsührü amükeamrü, Atungpuh tangzüng sangdan shuhrü tüsho Israelrü azothsürübo kilim jih.

JIHUSUA 4:10

Thrünpuhnü Jihusua ki thiyukhüm jihkhi alala mihtsürübonü mürhimokhamchoki khiungde sangdan shuhrü amükeamrübonü Jordan phulung ching zhipde aleang. Haju ha Mosanü thiyukhüm jihkhi yande rhimo, tüsho mihtsürübonü niokheamde ayung ju ho.

1 SAMUEL 6:19

Beth-shemesh mihtsürübonü Atungpuh sangdan ching abinyuka kheahmonü arü kheak apinü shik; apinü arü mihtsürü 70 laksah. Mihtsürübonü tüzho tümütüsho Atungpuhnü mihtsürü bolung muliuhde laksah.