WÜHKHE 35:32 - AMÜSÜH HÜM CL Bible (BSI)

³² Tüsho nünü mihtsürü khülang nihbuh tsoyukpung kiuto ching alode yübah amükeambuh müshe khiungde alapü larü kheaknü amo lude dürhokhit.

WÜHKHE 35:32 Iomraidhean Croise

2 SAMUEL 21:4

Gibeonrünü api ki alo, “Isa le Saul yungsho api yamkhün dükeak shotoyinchi yungsho sunanü akebe yung; yungsho isanü Israel ching sheshe müsheshih.” Apinü tha, “Inü nüsa thsungkheak tümü thsüang de nüsanü thacho?”

WÜHKHE 35:31

Tahle mihtsürü laksahrü sheshihpü dünkheak nünü amo lude dürhokhit, tüshe api dükde asheshihbah.

WÜHKHE 35:33

Jumonü nüsanü nüsa lapung lomi dümünean; tümüde thiyihnü alo müneanchoh, tüsho ju lo ching bukkhi thiyih ju mümüsühkhitkhuk, tüshe mihtsürü laksahbah thiyihnü lang müsühkhitkhukbah.

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

GALATIA 2:21

Inü Thrünpuh amüthsüm akeangkeang mükamshih; tümüde alim mütsankhi ju yakzan hode lakhülaa, Khrista shekhi amütsan mülabah.

GALATIA 3:22

Tüshe Jisu Khrista kheak akin hode akinrü kilim alokhikhi jihpü thsüde alomiküp alala neak bukkhüp lah de amüsühyunü khipkhitchoh.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,