WÜHKHE 34:2 - AMÜSÜH HÜM CL Bible (BSI)

² Israel mihtsürübo ki thiyukhüm jihang, Küyimki nüsa Kanan lo ching arübanü, nüsa kilim mülüjihpü yamrüplurüp lo aredungbo ju harü ah:

WÜHKHE 34:2 Iomraidhean Croise

THRÜNTAN 10:19

Tüsho Kanan aredungbo ju Sidon chingnü Gerar lim Gaza khiung, tüsho Sodom, Gomorra, Adama tüsho Zeboiim lim, Lasha khiung.

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

MUNGSHIKHÜN 105:11

tha, “Inü nü yamrüplurüp kilim mülükhi thsüde Kanan lomi jihbah,”

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

EZEKIEL 47:13

Atungpuh Thrünpuhnü ha thachoh: Harü ha Israel trük thürükheak mahne bolung nünü lomi yamrüplurüp champü aredungbo lah. Josep a dangpung mahne labah.

EZEKIEL 47:14

Nünü ju arihkhühnü achambah; inü ha nüsa jipürü kilim jihpü thiyuchihchim, tüsho ha lomi ju nü yamrüplurüp thsübah.

WÜHKHE 34:1

Tüsho Atungpuhnü Mosa ki tha,

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

EFISIA 1:14

Me ju api müretah shijihpü isanü lakhit-kukruk muluyi khiungde isa yamrüplurüp ngüpü thiyuchihchim lah.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

JIHUSUA 11:23

Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 13:1

Kheakü Jihusua khide ashinbuhrü lakheah, tüsho Atungpuhnü api ki tha, “Nü khide shina lah, tüshe kheaküshe alo ahihdo yankhia lupü lah:

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.