WÜHKHE 33:53 - AMÜSÜH HÜM CL Bible (BSI)

⁵³ nüsanü ju lo ching larü yankhitbahle ju ching laang, tümüde nüsa lashihpü alo inü jihdo.

WÜHKHE 33:53 Iomraidhean Croise

THRÜNTAN 15:7

Judüki Atungpuhnü api ki tha, “I ha lomi nü kilim jih-a yamrüplurüp lushihpü Kaldea ching lakhi Ur chingnü nü bekhitbuh Atungpuh ah.”

MUNGSHIKHÜN 115:16

Achangbe yinmibo Atungpuh yo ah; tüshe apinü alomi ju mihtsürü tsührübo kilim jih.

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

MATHI 20:15

Inü I kukruk kheak I lümkhi rhimopü I alim yung de? Yungsho I salamo nüsanü lungkhangla de?’

YUZÜNGTHALO 11:31

Tümüde Atungpuh nüsa Thrünpuhnü nüsa kilim jihkhi lo müküh-a lupü thsüde nüsa Jordan hode ayübah; tüsho küyimki nüsanü ha müküh-a lubah ju ching labanü,

YUZÜNGTHALO 17:14

“Küyimki nüsanü Atungpuh nüsa Thrünpuhnü ajihkhi lo ching arübah müküh-a labanü, tüsho isa mühirü trükshihbo nangde isa kurungkheak kiulongthsürü zobah de athabanü;

YUZÜNGTHALO 3:18

“Tüsho judüki inü nüsa ki thiyukhüm jihde tha, Atungpuh nüsa Thrünpuhnü ha lo nüsa lushihpü jihdo; nüsa mihtsürü alala thirithsü zülu hanbahle nüsa keoniorü Israelrü müngüh yüang.

YUZÜNGTHALO 32:8

Küyimki khide Achangbuhnü trükbo kilim yamrüplurüp jihkhea, küyimki apinü mihtsürübo chammüzütkhea, apinü mihtsürü aredungbo ju Israel mihtsürü wühkhe yande khim.

YUZÜNGTHALO 7:17

“Nüsanü nüsa mulong ching, Harü trük ha I kheaknü atobe ah de lümsho; inü küde thsah arü yankhitpü?

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.

JIHUSUA 23:5

Atungpuh nüsa Thrünpuhnü nüsa müngühnü arü akhinshihbah, tüsho nüsa mikinü apinü arü yankhita bahbah. Atungpuh nüsa Thrünpuhnü thiyuchihchimkhi nangde, nüsanü arü lo lubah.