WÜHKHE 32:23 - AMÜSÜH HÜM CL Bible (BSI)

²³ Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

WÜHKHE 32:23 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 4:7

Nünü lungkide rhimokhülaa, nü müleangkhibea de? Tüshe tümü alungkianü nünü ju mürhimosho, khimdopü ki neak yaplah; hanü nü mürheangchoh, tüshe nünü ju kukbeah.”

THRÜNTAN 44:16

Judüki Judanü tha, “Isa tungpuh ki isanü tümü thakhukba? Isanü tümü asukba? Yungsho isa amülim mülakhi küde thsah amütsanba? Thrünpuhnü nü yamlarübo mülimkhi yimkhitdo; isa le shepü lung pung ngükheanü isa chido, isa tungpuh yo azhorübo ha kheak lah.”

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

MUNGSHIKHÜN 139:11

Inü, “Tsükjide I kheak amiting keambah,” de thasho, azhing she I thsungkheak ayin labah;

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

MUNGSHIKHÜN 90:8

Nünü isa amülimbo nü miki, rama lakhi isa neakbo nü yo ayinatrüm ching zo.

MÜCHITMUDU 13:21

Kuhi amütsünü aneakrübo müshamchoh, tüshe thiyuro-lungkirü ki a atsünü ashaklobah.

MÜCHITMUDU 24:16

tümüde thiyurolungki mihtsürü thüne ki lungpü kuklah, tüsho asürülobah, tüshe mihbukmuyuk a thsümütsünü akeambah.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 59:12

Tümüde isanü athsümünimkhibo nü miki hihde lah, tüsho isa neakbonü isa azhihde thiyumütsan jihchoh. Isanü athsümünimkhibo atsütsü isa kheak lah, tüsho isanü isa mülimkhibo mükheahlah:

JONA 1:7

Sangkung berübonü khülangnü khülang ki thaachih, “Arang, isanü azan thsanü, junangde she dünkheaknü ha thsümütsü isa kheak arüa lanü isanü amükheahbah.” Jumonü arünü azan thsü, tüsho azan ju Jona kheak akhiuk.

ROMRÜ KILIM PAULNÜ ATHRÜTKHI KIHÜM HUHTANYU 2:9

Amütsü rhimorü mihtsürü aban akhuhde Jihudarü tüsho Greekrü thsungkheak thsümütsü tüsho lümthsünü labah;

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

JIHUSUA 7:18

Jushu apinü Zabdi yamkhün ju mihtsürü khülang khülangnü bedarü, tüsho Zera tsührü Zabdi tsührü Karmi tsührü Akhan thrükhit.