WÜHKHE 32:13 - AMÜSÜH HÜM CL Bible (BSI)

¹³ Jumonü Atungpuhnü Israelrü kheak bukakhiuk, tüsho apinü arü sunglo ching Atungpuh miki amünean rhimorü lünbo muhokham khiungde kam yirü sunglo ching rümde tsahshih.

WÜHKHE 32:13 Iomraidhean Croise

MUNGSHIKHÜN 107:4

Arübo sunglo ching azhik limro ching rümde tsah; arü lapü kiuto müyimkhit.

MUNGSHIKHÜN 78:33

Jumonü apinü arü nimungbo sheak khülang nangde, tüsho arü kambo mihtrebe ching kheamshih.

MUNGSHIKHÜN 95:10

Tümüde kam yirü I ju lün lung mulong rozhakde alakheah, tüsho tha, ‘ Ha arü mulong ching rholode atsokhi mihtsürü, tüsho arünü I limrobo mümükheah.’

ABEKHIT 16:35

Arü lapü lomi ching arükhi khiungde Israelrünü manna ju kam yirü tsüh; arünü Kanan aredungyean khiungde manna tsüh.

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

WÜHKHE 14:32

Tüshe nüsa ha sunglo ching shekhambah.

1 KORINT 10:5

Judüalalashe, arü ahihdo kheak Thrünpuhnü masühde alakheah; tümüde arübo sunglo ching hiumüzütshih.

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 2:20

Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.