WÜHKHE 31:8 - AMÜSÜH HÜM CL Bible (BSI)

⁸ Arünü alaksahkhi lungnü Midiarü kiulongthsürübo phüngü harü laksah: Evi, Rekem, Zur, Hur, tüsho Reba. Arünü Beor tsührü Balaam she nuknü laksah.

WÜHKHE 31:8 Iomraidhean Croise

MUNGSHIKHÜN 10:2

Mihbukmuyuknü api kükheangkhi ching zhochihrü thsümüchichoh; arünü asahkhi lümkhi ching arü phuhshang.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

MÜCHITMUDU 11:3

Alungkirü a thiyuronü arü bechoh, tüshe thiyuro mülarü arü rük mütsükhinü thsümünimchoh.

MÜCHITMUDU 13:17

Mihbukmuyuk yunithsürü küpkhuk ching keamyukchoh, tüshe thiyuro lakhi limburünü mungtsü hande arüchoh.

HABAKKUK 3:7

Inü Kush khimyambo thsünüde ngü; Midia lomi khimyam zhindokhimbo ajan.

WÜHKHE 22:10

Apinü alo, “Zippor tsührü Balak, Moab kiulongthsüpuhnü I kilim ha thashihpü arü arüshih-a lah.

WÜHKHE 22:4

Jumonü Moabrünü Midia azothsürübo ki tha, “Kheakü moshipungnü thulu ching rim müleaka tsühkhi nangde harü botonü isa mühide alakhi alala müleaka tsühpü thsüchoh.” Tüsho Zippor tsührü Balak ju kim ching Moab kiulongthsüpuh lakheah.

WÜHKHE 22:5

Jumonü apinü Beor tsührü Balaam kilim api mihtsürü tsührübo lomi ching keto phünide Pethor ching api jide thiyusheak yüshih, tüsho tha, “Kheahang, mihtsürübo Ijip chingnü arüa lah. Kheahang arünü alomi michoh, tüsho arübo thüninde lah!

WÜHKHE 23:10

Shepünü Jakob sungthulung khekhamkhukpü yungsho Israel shihcham phüyi chingnü shihcham khülang khekhukpü? Thiyuro tharü shekhi nangde I sheanü, I nimungbo arü nangde kamanü!”

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

WÜHKHE 24:25

Judüki Balaamnü asürübah api lapung lim yü tüsho Balak a nihbuh limro tsoabah.

WÜHKHE 25:15

Tüsho alaksahkhi Midiaberü mung ju Midiarü buhtsüh ching azothsübuh Zur tsührü Kozbi lakheah.

WÜHKHE 25:18

tümüde arünü Peor ching nüsa kheak mülapyukjih tüsho Peor ching arüm lachoki laksahbe, Midia limberü tsührü Kozbi dünkheaknü nüsa thsümüchi.”

WÜHKHE 31:16

Kheahang, arünü Balaam yu anibah Israel mihtsürübo Peor ching dünjichoki Atungpuh azhihde amülim rhimoshih, tüsho Atungpuh mihtsürü bolung arüm tukthsü lakheah.

WÜHKHE 31:9

Tüsho Israel mihtsürübonü Midiarü azoberübo arü tsührü aninibo bebah rama lu, tüsho arü lakhit thsümünimjihde moshi, mihnu tüsho kukruk alala lukhamjih.

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 2:14

Tüshe inü nü azhihde khürü lah: Ju ching Balak ki thaa Israel tsührübo müngüh jingmükhebe zoshihbah sangthsübo ki kingaünkhi tsühyungbe tsühshihkhi tüsho müzammüram rhimoshihkhi Balaam thsangyukhi yanrü khürü lah.