WÜHKHE 30:7 - AMÜSÜH HÜM CL Bible (BSI)

⁷ tüsho aniubuhnü ju sobahle tümü müthasho, anihbenü thiyuchihchimkhi yungsho tangzüngachihkhi nangde arhimobah.

WÜHKHE 30:7 Iomraidhean Croise

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

JEREMIA 44:19

Tüsho aliberübonü tha, “ Isanü yinmi kiulongthsübe ki judü lang kingaünbah tüsho yukhu dungkihbah; isa niubuhrübo ki mükeode isanü anihbe jak yande yikhap thsüchoh, tüsho anihbe ki yukhu dungchoh de nünü lümcho de?”

WÜHKHE 30:6

Tüsho anihbenü thiyuchihchimkhi yungsho münnü tangzüngachihkhinü rhüka lakhi kim ching, niubuhrü khülang yam ching rhangsho,

WÜHKHE 30:8

Tüshe aniubuhnü ju sobahle mümülüsho, anihbenü thiyuchihchimde tangzüngachihkhi ju mürhimo tüsho Atungpuhnü anihbe neak bahjihbah.

ROMRÜ KILIM PAULNÜ ATHRÜTKHI KIHÜM HUHTANYU 7:2

Junangde arhangkhi liberü ju api la khiungde aniubuh kilim yakzannü rhüka labah; tüshe api shesho, api kilim rhüka lakhi yakzan chingnü alibe zuzu kamchoh.

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 1:23

Ayamkhünbuh Elkananü api ki tha, “Nünü atsükhi thsang, api tsühyungpü mütsühyi khiungde aleangang; tüsho Atungpuhnü thiyuchihchimkhi dükde dünjishang.” Jumonü alibenü thüyam ching la tüsho atsührü mütsühyung khiungde niuh duhde mütrü.