WÜHKHE 30:12 - AMÜSÜH HÜM CL Bible (BSI)

¹² Tüshe aniubuhnü jurü sobah yanlosho anihbenü amün chingnü thiyuchihchimkhi tüsho tangzüngachihkhibo mürhimo. Aniubuhnü jurü akeangkeang kamshihdo, tüsho Atungpuhnü anihbe neak bahjihbah.

WÜHKHE 30:12 Iomraidhean Croise

JEREMIA 44:17

Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

JEREMIA 44:19

Tüsho aliberübonü tha, “ Isanü yinmi kiulongthsübe ki judü lang kingaünbah tüsho yukhu dungkihbah; isa niubuhrübo ki mükeode isanü anihbe jak yande yikhap thsüchoh, tüsho anihbe ki yukhu dungchoh de nünü lümcho de?”

WÜHKHE 15:25

Jumonü amükeambuhnü Israelrü tsührü boto dünthsükhide neak bahjihbah tümüde ju müreanglimnü yihbeak; arübonü taka kingaünkhi tüsho müreanglimnü ayihbeakkhi neak kingaün Atungpuh miki handarübah.

WÜHKHE 15:28

Jumonü küyimki mihtsürü khülangnü Atungpuh miki müreanglimnü neak yihbeakbanü api müsühkhitde amükeambuhnü dünthsükhibah; tüsho api neak bahjihbah.

WÜHKHE 30:11

tüsho aniubuhnü ju sobah mümülüde tümü müthasho, anihbenü thiyuchihchimkhi tüsho tangzüngachihkhibo alala rhimobah.

WÜHKHE 30:13

Nihbe thsünüpü thsüde alibenü thiyuchihchimsho yungsho tangzüngachih-a lasho, aniubuhnü ju thsülangpü yungsho akeangkeang kamshihpü kuklah.

WÜHKHE 30:5

Tüshe abuhnü ju sobah yanlosho anihbenü thiyuchihchimde tangzüngkhibo mürhimo; tüsho Atungpuhnü anihbe neak bahjihbah, tümütüsho abuhnü anihbe mümülüjih.

WÜHKHE 30:8

Tüshe aniubuhnü ju sobahle mümülüsho, anihbenü thiyuchihchimde tangzüngachihkhi ju mürhimo tüsho Atungpuhnü anihbe neak bahjihbah.

1 KORINT 11:3

Tüshe mihtsürü aban kurungkheak aku ju Khrista, aliberü kurungkheak aku ju aniubuh, tüsho Khrista kurungkheak Thrünpuh ah de nüsanü anikhitshihnelah.

1 SAMUEL 1:23

Ayamkhünbuh Elkananü api ki tha, “Nünü atsükhi thsang, api tsühyungpü mütsühyi khiungde aleangang; tüsho Atungpuhnü thiyuchihchimkhi dükde dünjishang.” Jumonü alibenü thüyam ching la tüsho atsührü mütsühyung khiungde niuh duhde mütrü.