WÜHKHE 3:9 - AMÜSÜH HÜM CL Bible (BSI)

⁹ Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah.

WÜHKHE 3:9 Iomraidhean Croise

1 KIUTHSÜYUKHEAN 15:2

Judüki shenü she mushuh tüshe Levirünü Thrünpuh sangdan shuhbah de Davidnü thiyukhüm jih, tümüde Atungpuh sangdan shuhpü tüsho lünnü api tankihpü Atungpuhnü arü mokhit.

1 KIUTHSÜYUKHEAN 6:33

Tankihde alarü mihtsürübo ju harü; tüsho arü tsührübo ju: Kohathrübo: Heman khün thsübuh, Joel tsührü, Samuel tsührü,

EZRA 2:43

Arüngyam ching rhimorü jipürübo: Ziha, Hasupha, Tabbaoth,

EZRA 6:18

Mosa hüm ching lakhi yande, amükeamrü tüsho Levirübo buh rhimomo Thrünpuh khin shuhpü Jirusalem ching zojih.

EZRA 8:20

Ju lung David kiulongthsüpuh tüsho akiulongthsü ching atorübonü Levirü rungde arüngyam ching tankihshihpü mihtsürü 220 mokhita larübo ju arü mungnü thrüta lakheah.

WÜHKHE 16:9

Nüsa Israelrü Thrünpuh hode Israel boto chingnü chamkhita Atungpuh arüngyam ching rhimopü api miki yüpü, tüsho boto tankihshihpü thsüde arü miki zhipshihpü thsükhi nüsanü khide ninilah de lümcho de?

WÜHKHE 18:2

Kheaküshe nü lung nü keoniorü Levirübo, nü buhtsüh chingnü bebah arang, junangde nü tüsho nü tsührübo tangzüng arüngyam ching tankihchoki arübo nüsa lung bebah.

WÜHKHE 3:8

arübo ashorupung khimyam kukruk alala kurungkheak akheahrü thsübah, tüsho arüngyam ching tankihchoki Israelrü thsungkheak rhimo thsübah.

WÜHKHE 8:14

Hanangde Levirübo Israelrü bolungnü chamkhiang, tüsho arübo I yo thsübah.

WÜHKHE 8:16

Tümüde arübo Israelrü bolungnü I kilim shahde jihabahdo; Israelrü alala akhuh zübekhi müthri inü arübo I thsungkheaknü ludo.

WÜHKHE 8:18

tüsho inü Israelrü mihtsürü akhuh zübekhi lupü dün Levirübo ludo.

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.

EFISIA 4:11

Tüsho api thsambahbo ju khürü amüsühthsangyurü, khürü wukihrü, khürü thsangyuthsangrarü, khürü namfimihnu neakrü tüsho thsangyurü,

EFISIA 4:8

Jumonü ha tha, “Küyimki api achang kheak yükihkheanü apinü aramrü boto khülang be tüsho apinü mihtsürübo kilim thsambahbo jih.”