WÜHKHE 3:8 - AMÜSÜH HÜM CL Bible (BSI)

⁸ arübo ashorupung khimyam kukruk alala kurungkheak akheahrü thsübah, tüsho arüngyam ching tankihchoki Israelrü thsungkheak rhimo thsübah.

WÜHKHE 3:8 Iomraidhean Croise

1 KIUTHSÜYUKHEAN 23:27

Davidnü akheamde thsangdankhi yande, Levirübo ju kam 20nü akumung kheyuk.

2 KIUTHSÜYUKHEAN 29:11

I tsührübo, dübahkhit, tümüde Atungpuhnü nüsa api miki zhipde api tankihpü, api tankihrü thsüpü tüsho api ki kingaünshihpü mokhitdo.”

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

WÜHKHE 10:17

Judüki arüngyam ju luk tüsho Gershon tüsho Merari tsührübonü arüngkhimyam ju hanbahle tsahmusu.

WÜHKHE 10:21

Jushu Kohathrü amüsüh kukrukbo hanbah tsahmusu, tüsho arü mukhiungyide arüngyam ju thsükhia lakheah.

WÜHKHE 3:7

Arübonü api tüsho amukhungrü alala thsungkheak ashorupung khimyam miki rhimo rhimobah;

WÜHKHE 3:9

Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah.

WÜHKHE 31:30

Tüsho aningkhi Israel mihtsürübo kheaknü mihtsürü, moshi, donki, namfimihnu tüsho akam-shiwühbo thünim chingnü khülang yihkhitbah Atungpuh arüngyam neakrü Levirübo kilim jihang.

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

WÜHKHE 4:28

Ha Gershon gukbo thsungkheaknü ashorupung khimyam ching tankihbe rhimobo ah. Tüsho arü rhimobo ju amükeambuh Aron tsührü Ithamar khah ching labah.

WÜHKHE 4:33

Ha Merari gukbonü arüngyam ching tankihbe rhimo: arünü amükeambuh Aron tsührü Ithamarnü khuhlangahuhkhi yande arhimobah.