WÜHKHE 3:6 - AMÜSÜH HÜM CL Bible (BSI)

⁶ Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

WÜHKHE 3:6 Iomraidhean Croise

1 KIUTHSÜYUKHEAN 15:2

Judüki shenü she mushuh tüshe Levirünü Thrünpuh sangdan shuhbah de Davidnü thiyukhüm jih, tümüde Atungpuh sangdan shuhpü tüsho lünnü api tankihpü Atungpuhnü arü mokhit.

1 KIUTHSÜYUKHEAN 23:28

Levirünü arhimopü lakhi ju Atungpuh arüngyam mukhungmüdan ching Aron tsührübo rungpü lakheah: khikzhakpung, akhiungshakbo, amüsüh kukrukbo alala müsühkhitpü tüsho Thrünpuh yam ching rhimobe alala rhimopü;

1 KIUTHSÜYUKHEAN 23:32

Hanangde arünü ashorupung khimyam, arüngyam rhimo ching labah, tüsho Atungpuh yam ching tankihpü thsungkheak arünü Aron tsührübo lung bebah.

1 KIUTHSÜYUKHEAN 6:33

Tankihde alarü mihtsürübo ju harü; tüsho arü tsührübo ju: Kohathrübo: Heman khün thsübuh, Joel tsührü, Samuel tsührü,

2 KIUTHSÜYUKHEAN 29:11

I tsührübo, dübahkhit, tümüde Atungpuhnü nüsa api miki zhipde api tankihpü, api tankihrü thsüpü tüsho api ki kingaünshihpü mokhitdo.”

EZRA 6:18

Mosa hüm ching lakhi yande, amükeamrü tüsho Levirübo buh rhimomo Thrünpuh khin shuhpü Jirusalem ching zojih.

MALAKI 2:4

Jumonü I tangzüngkhi Levi kheak mutuklode alapü ha yukhüm nüsa kilim arüshihdo de mükheahang, Wuto Atungpuhnü thachoh.

WÜHKHE 18:21

Kheahang, Levirünü arüngkhimyam ching rhimokhi dün Israel ching hanmukhungkhi thürü shihcham arü kilim yamrüplurüp nangde jihdo.

WÜHKHE 2:17

Tüsho ashorupung khimyam ju Levirü binpung lungnü binkheampung aphulung ching luka hanbah ayübah; arübo binpung yüchoki buh zhippungpung ching nihbe tsükhinü ayübah.

WÜHKHE 2:33

Tüsho Atungpuhnü Mosa ki thiyukhüm jihkhi yande Levirü a Israelrü tsührü bolung mükheyuk.

WÜHKHE 3:5

Tüsho Atungpuhnü Mosa ki tha:

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.