WÜHKHE 3:41 - AMÜSÜH HÜM CL Bible (BSI)

⁴¹ Tüsho nünü I thsungkheaknü Israelrü tsührübo adüjirü tüsho arü akam-shiwüh akhuh adrekhibo müthri Levirübo tüsho arü akamshiwüh akhuh adrekhibo luang, I Atungpuh ah.

WÜHKHE 3:41 Iomraidhean Croise

WÜHKHE 18:15

Mihtsürü thsüthsü shiwüh thsüthsü akhuhde angükhi küpü arünü Atungpuh kilim handarübanü ju nüsa yo thsübah; tüshe akhuh zübekhi mihtsürü nüsanü rhokhitbah tüsho akhuh anukhi mümüsühkhi shiwühbo she nüsanü rhokhitbah.

WÜHKHE 3:12

Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah,

WÜHKHE 3:13

tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah.

WÜHKHE 3:42

Jumonü Atungpuhnü thiyukhüm jihkhi nangde Mosanü Israelrü tsührü adüjirübo mung khe.

WÜHKHE 3:45

Israelrü tsührübo adüjirü tüsho arü akam-shiwühbo müthri Levirü tüsho arü akam-shiwühbo luang. Levirübo ju I yo thsübah: I Atungpuh ah.

WÜHKHE 8:16

Tümüde arübo Israelrü bolungnü I kilim shahde jihabahdo; Israelrü alala akhuh zübekhi müthri inü arübo I thsungkheaknü ludo.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

1 TIMOTHI 2:6

apinü kim dükdü ching thiyumütsan jihde mihtsürü alala rhokhitpü anihbuh jih.