WÜHKHE 3:38 - AMÜSÜH HÜM CL Bible (BSI)

³⁸ Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah.

WÜHKHE 3:38 Iomraidhean Croise

1 KIUTHSÜYUKHEAN 23:32

Hanangde arünü ashorupung khimyam, arüngyam rhimo ching labah, tüsho Atungpuh yam ching tankihpü thsungkheak arünü Aron tsührübo lung bebah.

WÜHKHE 1:51

Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 2:3

Aniakhiuklim peang binpü ju Judarü arü bonungrü ayannü nihbuh tsükhinü thsübah abinbah; tüsho Amminadab tsührü Nashon ju Judarü limberü thsübah.

WÜHKHE 3:10

Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.

WÜHKHE 3:23

Gershonrü yamkhünbo ju arüngyam dunglim aniyüzahlim thrip binpü thsakham.

WÜHKHE 3:29

Kohathrü guk arüngyam düjinglim binpü thsakham,

WÜHKHE 3:35

Merari guk kurungkheak limbebuh ju Abihail tsührü Zuriel; arübo arüngyam dukulim binpü thsakham.

WÜHKHE 3:37

tüsho kidokhi mühide dungjingbo, jurü müchinkhibo, ashungdung tüsho liubo.