WÜHKHE 3:13 - AMÜSÜH HÜM CL Bible (BSI)

¹³ tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah.

WÜHKHE 3:13 Iomraidhean Croise

NEHEMIA 10:36

Yakzan ching lakhi nangde tsührü athrürü akhuh zübekhi amükeamrü miki arüngyam ching hande yünü Thrünpuh ki müsükhitbah. Moshi nunu tüsho namfimihnu akhuh adrekhi she müsükhitbah.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 13:15

Küyimki Pharaonü isa tsoshihpü nihnihkheanü, Atungpuhnü Ijip lomi ching akhuh zübekhi mihtsürü tüsho shiwüh laksah. Jumonü shiwüh akhuh anukhi pungbo Atungpuh kilim jihchoh, tüshe akhuh zübekhi I tsührübo a inü rhokhitchoh.’

ABEKHIT 13:2

“Israelrü lung akhuhde azübekhi athrürü tüsho akhuhde anukhi shiwüh I kilim müsühkhitang; ju I yo ah.”

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 34:19

Athrürü adüjirü tüsho shiwüh pung adüji moshi yungsho mihnu thsüthsü I yo ah.

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

LEVI 27:26

Akhuhde adrekhi shiwüh ju Atungpuh yo kamabahdo, shenü she dümüsühkhit; moshipung thsüthsü mihnu thsüthsü, ju Atungpuh yo ah.

WÜHKHE 18:15

Mihtsürü thsüthsü shiwüh thsüthsü akhuhde angükhi küpü arünü Atungpuh kilim handarübanü ju nüsa yo thsübah; tüshe akhuh zübekhi mihtsürü nüsanü rhokhitbah tüsho akhuh anukhi mümüsühkhi shiwühbo she nüsanü rhokhitbah.

WÜHKHE 18:6

Kheahang, I küdah thsüde inü nü keoniorü Levirübo Israelrü bolungnü ludo; arübo ashorupung khimyam rhimo rhimoshihpü Atungpuhnü nü kilim jihkhi thsambah ah.

WÜHKHE 3:41

Tüsho nünü I thsungkheaknü Israelrü tsührübo adüjirü tüsho arü akam-shiwüh akhuh adrekhibo müthri Levirübo tüsho arü akamshiwüh akhuh adrekhibo luang, I Atungpuh ah.

WÜHKHE 33:4

Judüki Ijiprübo arü tsührü adüjirü Atungpuhnü alaksahkhi kiuyuka bahde alakheah; kheaküshe arü thrünpuhbo kheak Atungpuhnü mahkhapkhi rhimo handarü.

LUKNÜ ATHRÜTKHI THIYUSHEAK-ATSÜ HUHTANYU 2:23

(ha Atungpuh yakzan ching thrüta lakheah, “Adüjirü athrürü aban Atungpuh kilim amüsüh labah”)

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,