WÜHKHE 3:10 - AMÜSÜH HÜM CL Bible (BSI)

¹⁰ Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.

WÜHKHE 3:10 Iomraidhean Croise

2 SAMUEL 6:7

Uzza kheak Atungpuh bukakhiukkhi alü kam; tüsho ju ching Thrünpuhnü api kheak shik tümütüsho apinü sangdan kheak akhah chungkhit; tüsho Thrünpuh sangdan rheang ki api sheabah.

1 KIULONG THSÜRÜ 12:31

Apinü awung achangbo kheak thüyambo she thsü, tüsho Levirü yungde, mihtsürü alala bolungnü amükeamrü zojih.

1 KIUTHSÜYUKHEAN 6:32

Solomonnü Jirusalem ching Atungpuh yam thsükhi khiungde arünü ashorupung khimyam kingaün sadam miki khün thsüde tankih; tüsho arünü mukhungmüdan ju akhinashu thsüde lu.

NEHEMIA 6:11

Inü alo, “I alihde ajikrü mihtsürü yung. Arüngyam ching jikde I rhangdung khümkhitbah de nünü lümcho shi? Inü jude müthsü.”

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

EZEKIEL 44:8

Tüsho nüsanü amüsüh kingaün jihpü mürhimo; tüshe nüsanü nüsa thsung thsüde I yo arüngyam ching rhimoshihpü khiungkerübo ki jih.

LEVI 22:10

Püpürü shenü she amüsüh kingaünkhi mütsüh; amükeambuh lung lakhi hanrü yungsho amulokhi yamlarübonü she mütsühbeah.

WÜHKHE 1:51

Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

WÜHKHE 16:10

Tüsho apinü nü tüsho nü keoniorü Levirübo api phünide bedarüdo, tüshe kheakü nünü amükeamrü shihcham she yimchoh!

WÜHKHE 16:35

Tüsho Atungpuh kilimnü mo akhiukbahle arhümthüneabe jihrü mihtsürü 250 ju taksahabah.

WÜHKHE 16:40

tüsho ju Israel tsührübo thsungkheaknü mümih-mütsan thsü, junangde api ki Atungpuhnü Mosa hode alokhikhi nangde Aron tsührübo khah hobah püpürü shenü she Atungpuh miki arhümthüneabe jihpü marü, jude yungsho api ju Kora tüsho api jingyanrübo ruk kambah.

WÜHKHE 18:3

Arübonü nü tüsho arüngyam yihnüpü ching rungbah; tüshe arünü küyimkishe arüngyam kukruk tüsho kingaün sadam phünide marü. Jude yungsho arü tüsho nü she ashebah.

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

WÜHKHE 3:11

Atungpuhnü Mosa ki tha:

WÜHKHE 3:38

Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah.

ROMRÜ KILIM PAULNÜ ATHRÜTKHI KIHÜM HUHTANYU 12:7

tankihpü a sho, isanü tankihpü ching; shepünü thsangyuchonü api thsangyupü ching;

EFISIA 2:19

Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung,

YUZÜNGTHALO 18:5

Tümüde Atungpuh nüsa Thrünpuhnü api le atsührübo Atungpuh mung ching lünnü atankihshihpü nüsa trük alala bolungnü mokhitdo.

IBRI 8:4

Api alomi ching lakhülaa, api amükeamrü müthsüde alabah, tümütüsho yakzan yande thsambahbo jihpü amükeamrübo lah.

MAHKHAPRÜ 17:5

Mika a arüngakopung khülang lakheah, tüsho arüngako kukruk tüsho yambuk sangthsübo thsüa lakheah; tüsho apinü atsührü khülang amükeamrü thsüshih.

1 SAMUEL 6:19

Beth-shemesh mihtsürübonü Atungpuh sangdan ching abinyuka kheahmonü arü kheak apinü shik; apinü arü mihtsürü 70 laksah. Mihtsürübonü tüzho tümütüsho Atungpuhnü mihtsürü bolung muliuhde laksah.