WÜHKHE 29:39 - AMÜSÜH HÜM CL Bible (BSI)

³⁹ Harü ha nüsa thiyuchihchim kingaün tüsho arung kingaün jihkhi lungnü taka kingaün tüsho hi kingaün, ayungbe kingaün tüsho mungtsü kingaünbo thsüde akhukhitkhi thünio kimbo ching nüsanü Atungpuh kilim jihang.

WÜHKHE 29:39 Iomraidhean Croise

1 KIUTHSÜYUKHEAN 23:31

tüsho amuni, khinu aso, tüsho akhukhitkhi thüniobo ching Atungpuh kilim taka kingaünkhi, arü khekhi yihnüpü ayannü mutuklode Atungpuh kilim jihchoki labah.

2 KIUTHSÜYUKHEAN 31:14

Levirü Imna tsührü Kore, aniakhiuklim ripit neakbuh ju Thrünpuh kilim mulongkhi kingaün, Atungpuh thsungkheak arung hanmukhunga zokhi shihcham thsüpü tüsho khide amüsüh kingaünkhibo rhimopü lakheah.

2 KIUTHSÜYUKHEAN 31:3

Kiulongthsüpuhnü nihbuh alakukruk chingnü arung jihkhi ju taka kingaünbebo thsungkheak lakheah: yapsu le are tüsho amunibo, khinu aso, Atungpuh yakzan ching thrütkhi yande akhukhitkhi thüniobo thsungkheak taka kingaünbebo.

EZRA 3:4

Thrüta lakhi yande arünü thüyam arüngde nio; nimung abande yihnüpü lakhi kingaün jih.

EZRA 3:5

Ju dunglim arünü mutuklode taka kingaün tüsho khinu aso le akhukhita lakhi Atungpuh thünio kingaün, kheaküshe mihtsürü aban nihbenü amulongkhi kingaünbo Atungpuh kilim jih.

NEHEMIA 10:33

Arüngyam kingaün thsungkheak isanü harü alokhi: dükhüm kheak yikhap zopü, nimung aban hi jihchungpü, nimung aban shiwüh taka kingaünpü, Amuni amüsüh kingaünpü, khinu aso niobo, püpü niobo, püpü amüsüh kingaün, Israelrü münean dünthsükhipü kingaün, tüsho arüngyam thsungkheak yihnüpü püpübo.

ISAIA 1:14

Nüsa khinu asobo tüsho akhukhitkhi thüniobo I menü thraneanlah; arübo I hahmülang khülang kamdo, arü hankhinü I khiabahdo.

LEVI 23:2

Israel trükbo ki thaang: Harü ha akhukhitkhi Atungpuh thüniobo, nüsanü amüsüh amukhung ah de azhiyukpü lah.

LEVI 23:28

Tüsho nüsanü ha nimung rhimo tümü she dürhimo; tümüde ha nüsa neak dünthsükhipü Atungpuh nüsa Thrünpuh miki dünthsükhikhi nimung ah.

LEVI 23:38

Harü kingaünbo ha Atungpuh amuni kingaün, nüsa thsambahbo, nüsanü thiyuchihchimkhi kingaün tüsho mulongde jihchungkhi kingaünbo Atungpuh kilim jihkhi bolung yukrude ajihbe lah.

LEVI 7:11

Ha Atungpuh kilim mungtsü kingaün jihpü yakzan ah.

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

WÜHKHE 28:2

Israel mihtsürübo kilim thiyukhüm jihang, tüsho arü ki thaang, I ki kingaünbe, I tsühyungbe monü taka kingaünde I kilim arhümthüneabebo akhukhitkhi kim ching kingaünpü nüsanü kümkangang.

WÜHKHE 29:38

kheaküshe neak kingaünpü mihnupung 1 mutukzhakde taka kingaün, hi kingaün, tüsho ayungbe kingaün lungnü jihang.

WÜHKHE 29:40

Jumonü Atungpuhnü thiyukhüm jihkhi nangde Mosanü lüpdükhi Israel mihtsürübo ki thakham.

WÜHKHE 6:21

Harü ha Nazirit thsungkheaknü yakzanbo; Atungpuh kilim arü kingaün ju arünü ajihkhukpü lakhi kheaknü büthsüde Nazirit thiyuchihchim yande alabeah. Arünü thiyuchihchimkhi yande, arü müsühkhitpü thsungkheaknü yakzan yande arhimobah.

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

YUZÜNGTHALO 12:6

Ju ching nüsanü taka kingaünbe, shuhmülanga kingaünbe, thürü shihchambo, büthsüde kingaünbe, thiyuchihchimkhi kingaün, amulongkhi kingaün tüsho moshi le mihnu bolungnü akhuh adrekhibo hanbah arang;